Eaa ta te Apinga Apaipai ka Akatupu ki Toou Manako?
E maata te au mea ta te tangata ka anoanoia kia apii—penei no te apii, te ngai angaanga, e tetai atu tumu ke. Ka tauturu te apinga apaipai ia ratou. I roto i te tuatau o te oraanga tangata, e māmā tikai i teianei kia rauka mai te au akakiteanga ma te kore e akaruke i toou kainga me kore toou nooanga.
Inara, e manganui tei taangaanga i te apinga apaipai, kua kite mai i teia au manamanata, koia oki . . .
-
e ngata i te akamou i te manako me tatau ratou.
-
kare e akamou i te manako ki runga i te angaanga okotai ua.
-
ka maromaroa ratou me ko ratou anake ua.
TAAU KA ANOANOIA KIA KITE
TATAU
Kare e oti i tetai aronga te tatau pouroa i tetai atikara me kore ka tatau viviki ua ratou i te reira.
Me inangaro koe i te kite i te pauanga ki tetai uianga, e mea meitaki i te tatau viviki i tetai atikara. Inara, kare ko te mataara meitaki teia no te tatau me inangaro koe kia mārama oonu atu i tetai tumu manako.
AKAMANAKO ANA: Ka rauka ainei ia koe i te tatau i te au tataanga roa? Ka meitaki atu ainei taau apii me tatau meitaki koe i te reira?—MASELI 18:15.
AKAMOU TE MANAKO
Manako mai tetai aronga e ka tauturu te apinga apaipai ia ratou kia rave e rua angaanga i te taime okotai—ei akaraanga, me tuku karere ki te au oa ia koe e apii ra. Inara ka tavarengaia ratou e kare e mou ana to ratou manako ki runga i ta ratou e rave ra.
Noatu e ngata i te akamou i toou manako, ka tauturu te reira ia koe kia rave i te apii. “Ka iti mai te au tarevake e kare koe e taitaia maata,” i na tetai mapu ko Grace. “Kua kite mai au e meitaki atu kia akamou i toku manako ki runga e tai ua angaanga e kia kopae i te rave e rua angaanga i te okotai taime.”
AKAMANAKO ANA: Ka tamanamanata ainei te apinga apaipai i toou manako kia kore koe e maara i taau e apii ra?—MASELI 17:24.
KO KOE ANAKE
Kare tetai aronga e reka ana i te noo ko ratou anake ua, no reira ka taangaanga ratou i te apinga apaipai ei tamataora ia ratou. “Me noo marie ua au e 15 miniti e kare au e akarakara i taku tereponi, tablet, me kore te tivi, ka maromaroa au,” i na tetai vaine ko Olivia.
Inara, ka riro te tuatau ko koe anake ua ei tauturu ia koe kia akamanako oonu—e tuanga puapinga no te au mapu e te aronga mamaata kia rave i te apii.
AKAMANAKO ANA: Ka rauka ainei ia koe i te taangaanga meitaki i te tuatau me ko koe anake ua?—1 TIMOTEO 4:15.
TAAU KA RAVE
AKARA MEITAKI ME TAANGAANGA KOE I TE APINGA APAIPAI
Eaa te au mataara ka taangaanga koe i te apinga apaipai ei tauturu ia koe kia apii? Akapeea te apinga apaipai me tamanata ia koe kia kore e akamou i te manako e te rave i te apii?
KAVEINGA PIPIRIA: “E tāpu koe i te pakari meitaki e te akono.”—MASELI 3:21.
Ka Reka Katoa Koe i Teia
UI TE AU MAPU E
Akapeea Au me Akamou i Toku Manako?
Akamanako ana e toru akaraanga ka tavarenga te technology ia koe e akapeea koe me akamou i toou manako.
UI TE AU MAPU E
E Mea Meitaki Ainei Kia Rave i te au Angaanga ke i te Taime Okotai?
Ka rauka ainei ia koe i te rave meitaki i te au angaanga ke i te taime okotai?
