KALIBOTAN NGA PUNOG PROBLEMA
1 | Ampingi ang Imong Panglawas
KON NGANONG IMPORTANTE
Ang krisis o kalamidad makaapektar kanato sa lainlaing paagi.
-
Ang mga problema makapa-stress. Ug kon magdugay ang stress, mas daling masakit ang usa ka tawo.
-
Panahon sa krisis, posibleng maglisod ang mga ospital sa pag-atiman ug daghang pasyente ug kulang ang suplay sa mga tambal.
-
Ang mga kalamidad makaapektar sa panginabuhi sa mga tawo maong maglisod silag palit sa ilang panginahanglan, sama sa sustansiyadong pagkaon ug tambal.
Ang Angay Nimong Mahibaloan
-
Ang grabeng sakit ug stress makaapektar sa imong paghimog maayong desisyon. Tungod ana, posibleng mapasagdan nimo ang imong panglawas ug mosamot ang imong sakit.
-
Kon pasagdan nimo ang imong sakit, posibleng mograbe kini ug mameligro ang imong kinabuhi.
-
Kon himsog ka, mas makahimo kag maayong mga desisyon bisag nag-atubang ug daghang problema.
-
Dato man ka o pobre, naa kay mahimo aron maampingan ang imong panglawas.
Ang Imong Mahimo Karon
Kutob sa mahimo, ang maalamong tawo maghunahuna sa posibleng mga kapeligrohan ug mohimog mga paagi aron malikayan kana. Ingon ana sab sa atong panglawas. Sagad, malikayan nato nga masakit o mograbe kini kon pirmeng hinlo ang atong lawas ug balay. Mas maayong mag-amping aron dili ta masakit.
“Kon pirmeng hinlo ang atong lawas ug balay, dili ta makagastog dako sa pagpa-check up sa doktor ug sa mga tambal.”—Andreas. *
^ Ang ubang ngalan giilisan.
Basin Ganahan Pod Ka
PAGMATA!
Kon Unsay Himoon Dihang Ma-stress
Sayra ang pipila ka praktikal nga prinsipyo nga makatabang nimo nga makaya ang stress ug mamenosan kini.
ANG GIINGON SA UBANG BATAN-ON
Mga Batan-on Naghisgot Bahin sa Himsog nga Paagi sa Pagkinabuhi
Ikaw ba ganahan kaayog junk food ug dili hilig mag-ehersisyo? Sayra niini nga video kon unsay gihimo sa ubang batan-on sa pagbatog maayong panglawas.
