الاساپىران زامان
1 | دەنساۋلىعىڭىزدى كۇتىڭىز
بۇل نەگە ماڭىزدى؟
اپاتتار مەن داعدارىس سياقتى دۇربەلەڭ جاعدايلار ادام دەنساۋلىعىنا تىكەلەي دە، جاناما تۇردە دە كەرى اسەرىن تيگىزەدى. مىسالى:
-
ادامدى سترەسكە دۋشار ەتەدى. ال ۇزاققا سوزىلعان سترەسس دەنساۋلىقتى السىرەتىپ، ٴتۇرلى اۋرۋعا شالدىقتىرادى.
-
اۋرۋحانالار ناۋقاس نە جاراقاتتانعان ادامدارعا لىق تولىپ، مەديسينالىق قىزمەتتەر شەكتەلۋى جانە ٴدارى-دارمەك تاپشى بولىپ قالۋى مۇمكىن.
-
قارجىلاي قيىندىقتار تۋىنداپ، بىرەۋلەر ٴتىپتى ىشەر اس پەن قاجەتتى دارىگە قول جەتكىزە الماي قالۋى مۇمكىن.
نەنى ەسكەرگەن ٴجون؟
-
اۋىر دەرتى بار نە سترەستە جۇرگەن ادام جاعدايدى دۇرىس باعامداي الماۋى مۇمكىن. ناتيجەسىندە ول دەنساۋلىعىنا نەمكەتتى قاراپ، حالىن ودان سايىن ناشارلاتىپ الادى.
-
قاجەتتى ەم قابىلداماعان سوڭ، اۋرۋى اسقىنىپ، ٴتىپتى ومىرىنە قاۋىپ ٴتوندىرۋى مۇمكىن.
-
ٴتانى ساۋدىڭ — جانى ساۋ. دەنساۋلىققا كوڭىل ٴبولىپ، ساقتانساڭىز، توتەننەن كەلگەن اپاتتاردا سابىر ساقتاپ، دۇرىس ارەكەت ەتە الاسىز.
-
دەنساۋلىقتى كۇتۋ ٶز قولىڭىزدا، ول قالتاڭىزدىڭ قالىڭ يا جۇقالىعىنا بايلانىستى ەمەس.
ساقتانعاندى قۇداي ساقتايدى
اقىلدى ادام قاۋىپتى جاعدايدى كورە ٴبىلىپ، ودان اينالىپ ٶتۋدىڭ بار امالىن جاسايدى. بۇنىڭ دەنساۋلىققا دا قاتىسى بار. گيگيەنالىق شارالاردى ۇستانساڭىز، اۋرۋدىڭ نە اسقىنۋدىڭ الدىن الاسىز. اۋىرىپ ەم ىزدەگەننەن اۋىرماۋدىڭ جولىن ىزدەگەن الدەقايدا جاقسى.
«ٶزىمىزدى دە، ٷيىمىزدى دە تازا ۇستاساق، دارىگەر مەن ٴدارى-دارمەككە كەتەتىن شىعىنداردى اناعۇرلىم ۇنەمدەيتىن بولامىز» (اندرەياس) a.
a وسى جۋرنالداعى كەيبىر ەسىمدەر وزگەرتىلگەن.
قىزىقتى بولار مالىمەتتەر
ويانىڭدار!
سترەسپەن كۇرەس
سترەسپەن جاقسىراق كۇرەسىپ، ٴتىپتى ونى ازايتۋعا كومەكتەسەتىن پايدالى اقىل-كەڭەستەر.
