ពិភពលោកដ៏ច្របូកច្របល់
១ | ការពារសុខភាពរបស់អ្នក
ហេតុអ្វីនេះសំខាន់?
វិបត្តិឬគ្រោះមហន្តរាយអាចប៉ះពាល់ដល់សុខភាពរបស់មនុស្សដោយផ្ទាល់ ឬដោយប្រយោល។
-
ទុក្ខលំបាកអាចធ្វើឲ្យមនុស្សមានអារម្មណ៍តានតឹងចិត្ត ហើយការតានតឹងចិត្តយូរអាចធ្វើឲ្យពួកគេឆាប់ធ្លាក់ខ្លួនឈឺ។
-
វិបត្តិនៅក្នុងប្រទេសធ្វើឲ្យពេទ្យពិបាកថែទាំអ្នកជំងឺឲ្យបានល្អ ដោយសារមិនមានថ្នាំគ្រប់គ្រាន់ដើម្បីព្យាបាលមនុស្សទាំងអស់នោះទេ។
-
គ្រោះមហន្តរាយប៉ះពាល់ដល់លុយកាក់របស់មនុស្ស។ ជាលទ្ធផលពួកគេមិនមានលទ្ធភាពទិញអ្វីដែលចាំបាច់ដូចជា ម្ហូបដែលមានជីវជាតិ ឬថ្នាំពេទ្យនោះទេ។
អ្វីដែលអ្នកត្រូវដឹង
-
ជំងឺធ្ងន់ធ្ងរនិងការតានតឹងចិត្តអាចនាំឲ្យអ្នកធ្វើការសម្រេចចិត្តមិនល្អដែលរារាំងអ្នកពីការថែទាំសុខភាពរបស់ខ្លួន។ ជាលទ្ធផលជំងឺរបស់អ្នកនឹងកាន់តែធ្ងន់ធ្ងរទៅៗ។
-
បើអ្នកមិនមើលថែសុខភាពរបស់ខ្លួន បញ្ហាសុខភាពរបស់អ្នកនឹងកាន់តែធ្ងន់ធ្ងរ ហើយអាចគំរាមកំហែងដល់អាយុជីវិតរបស់អ្នក។
-
បើអ្នកមានសុខភាពល្អ នោះអ្នកនឹងធ្វើការសម្រេចចិត្តល្អពេលមានភាពចលាចល។
-
មិនថាអ្នកមានឬក្រក្ដី អ្នកអាចការពារសុខភាពរបស់អ្នក។
អ្វីដែលអ្នកអាចធ្វើនៅឥឡូវនេះ
បើអាចធ្វើបាន មនុស្សដែលមានប្រាជ្ញាពិចារណាអំពីគ្រោះថ្នាក់ដែលអាចកើតឡើង ហើយចាត់វិធានការដើម្បីជៀសវាងពីគ្រោះថ្នាក់នោះ។ ដើម្បីការពារសុខភាពរបស់អ្នក អ្នកក៏ត្រូវធ្វើដូច្នេះដែរ។ អ្នកអាចការពារខ្លួនពីការឆ្លងជំងឺផ្សេងៗ ឬការមានជំងឺធ្ងន់ធ្ងរដោយមានអនាម័យ។ ការពារប្រសើរជាងព្យាបាល។
«ដោយសម្អាតខ្លួននិងផ្ទះរបស់យើងឲ្យបានស្អាត យើងមិនសូវចំណាយលុយច្រើនដើម្បីទិញថ្នាំឬជួបគ្រូពេទ្យទេ»។—អាន់ដ្រេអាស a
a ឈ្មោះខ្លះក្នុងទស្សនាវដ្ដីនេះបានត្រូវផ្លាស់ប្ដូរ។
លោកអ្នកក៏ប្រហែលជាចូលចិត្តដែរ
ភ្ញាក់
តើអ្នកអាចធ្វើអ្វីពេលមានការតានតឹងចិត្ត?
សូមពិនិត្យមើលគោលការណ៍ខ្លះដែលមានប្រយោជន៍ ដែលអាចជួយអ្នកឲ្យប្រឈមមុខនឹងការតានតឹងចិត្តបានល្អប្រសើរជាង ហើយក៏ប្រហែលជាអាចកាត់បន្ថយភាពតានតឹងចិត្តបានដែរ។
