Кризис йан жи ԛәзи дькарә хьраб һʹӧкӧм бә сәр сьһʹәт-ԛәԝата мәрьва.

• Кӧл-дәрд мәрьва дькьнә стресе у жь бо стреса кӧ дьреж дькʹьшинә, мәрьв ԛьдум дькʹәвә.

• Кризис, тʹәшԛәлед тʹәбийәте у чәтьнайед дьн дькарьн хьраб сәр медисинайе һʹӧкӧм бьн у нәхԝәшханада дькарә бона гәләк нәхԝәша щи у дәрман тʹӧнә бьн.

• Жь бо чәтьнайа мәрьварʹа дькарә зор бә пʹәра дәстхьн сәва кӧ тьштед лазьм ԛазанщ кьн, мәсәлә хԝарьн у дәрмана.

• Нәхԝәшийа гьран у стрес дькарә сәр һʹьш-аԛьле тә һʹӧкӧм бә, жь бо чь жи тәрʹа дькарә чәтьн бә сафикьрьнед рʹаст бьки. Ахьрийеда дьԛәԝьмә тӧ һе зедә нәхԝәш кʹәви.

• Һәрге тӧ дина хԝә нади нәхԝәшийед хԝә у хԝә ԛәнщ наки, әв йәк дькарә һʹале тә дьһа хьраб кә у һәла һе әʹмьре тә жи бькә бьн ԛәзийе.

• Чьԛас тӧ сьһʹәт-ԛәԝат би, һаԛас һе баш тӧйе бона чәтьнайа һазьр би у бькарьби сафикьрьнед рʹаст бьки.

• Фьрԛи тʹӧнә чьԛас дәсте тәда һәйә, йәкә тӧ дькари тьштәки бьки, ԝәки мьԛати сьһʹәт-ԛәԝата хԝә би.

Мәрьве сәрԝахт пешда хофийе дьвинә у тьштәки дькә кӧ хԝә хԝәй кә. Әве йәке әм дькарьн дәрһәԛа сьһʹәт-ԛәԝате жи бежьн. Тӧ дькари бь сайа хԝәйкьрьна тʹәмьзайе, хԝә жь нәхԝәшийа хԝәй ки. Дьһа баш ә пешда пәй сьһʹәта хԝә бьньһерʹи, нә кӧ сәре хԝә бешини у һʹәԝще дәрмана би.

«Чахе әм бәдәна хԝә у мала хԝә тʹәмьз хԝәй дькьн, ида әм һаԛас пʹәред хԝә сәр дәрман у дохдьра хәрщ накьн» (Андреас). *