MUNDU NAKONU HO SUSAR
1 | Proteje Ita-nia saúde
TANBASÁ IMPORTANTE
Krize no dezastre bele fó impaktu aat ba ita-nia saúde iha dalan oioin.
-
Susar sira halo ita sente estrese, no ema neʼebé estrese ba tempu kleur fasil atu kona moras.
-
Krize afeta sistema médiku, no halo susar ba ita atu hetan ai-moruk no tratamentu diʼak.
-
Dezastre afeta ekonomia, no halo susar atu hola hahán neʼebé diʼak ka selu tratamentu médiku.
Buat neʼebé Ita presiza hatene
-
Moras neʼebé sériu no estrese bele afeta Ita-nia desizaun, no hanetik Ita atu halo buat neʼebé diʼak ba Ita-nia saúde. Rezultadu mak Ita-nia saúde bele sai aat liután.
-
Se la hetan tratamentu médiku, problema bele sai boot toʼo ameasa Ita-nia moris.
-
Se Ita iha saúde diʼak, neʼe sei ajuda Ita atu halo desizaun diʼak kuandu hasoru susar.
-
Ita bele halo buat barak atu tau matan ba Ita-nia saúde. Neʼe la depende ba Ita-nia situasaun ekonomia.
Buat neʼebé Ita bele halo agora
Ema neʼebé matenek hanoin nanis perigu neʼebé bele mosu no halo buat ruma atu prevene perigu sira-neʼe. Neʼe mós bele aplika ba Ita-nia saúde. Ita bele hamenus posibilidade atu kona moras hodi mantein ijiene. Diʼak liu prevene agora kedas duké kona moras.
“Tanba ami hakaʼas an atu ami-nia isin no uma moos nafatin, ami la presiza gasta osan atu bá konsulta no hola ai-moruk.”—Andreas. a
a Naran balu iha livru neʼe laʼós naran neʼebé loos.
Karik Ita sei gosta
MATAN-MORIS BÁ!
Saida mak Ita bele halo kuandu estrese
Haree prinsípiu balu neʼebé bele ajuda Ita tahan no hamenus estrese.
ITA-NIA KOLEGA HANOIN SAIDA
Joven sira koʼalia kona-ba moris ho saúde diʼak
Fasil ka lae atu mantein saúde neʼebé diʼak? Iha vídeo badak neʼe, joven balu sei esplika oinsá mak sira bele moris ho saúde neʼebé diʼak.
