LEFATSHE LE TLHAKATLHAKANE
1 | Tlhokomela Botsogo Jwa Gago
GORENG GO LE BOTLHOKWA?
Mathata kgotsa masetlapelo a re ama ka ditsela tse di farologaneng.
-
Fa batho ba diragalelwa ke dilo tse di bosula ba nna le seterese. Gantsi batho ba ba nnang ba na le seterese ba a lwala.
-
Mathata le masetlapelo a ka dira gore go nne thata gore dipatela di tlhokomele balwetse ba bantsi. Gape a ka dira gore go se ka ga nna le melemo e e lekaneng.
-
Mathata a dira gore batho ba se ka ba kgona go duelela dilo tse ba di tlhokang jaaka dijo le melemo.
Se o Tlhokang go se Itse
-
Bolwetse le seterese di ka dira gore o se ka wa itlhokomela sentle ka ntlha ya seo, o ka lwala le go feta.
-
Fa o sa itlhokomele o ka lwala thata, o bo o tsenya botsogo jwa gago mo kotsing.
-
Fa o itlhokomela sentle o tla kgona go dira ditshwetso tse di siameng le fa go na le mathata.
-
Le fa o ka tswa o humile kana o humanegile o ka kgona go tlhokomela botsogo jwa gago.
Se o Ka se Dirang Gone Jaanong
Fa go kgonega, motho yo o botlhale o akanya ka dikotsi a bo a dira sengwe se se ka mo thusang gore a se ka a tsena mo go tsone. Botsogo jwa motho bo ntse fela jalo. Gantsi o ka kgona go dira gore o se ka wa lwala ka go tlhapa le go dira gore ntlo ya gago e nne e le phepa. Ditlamelwana tsa pula di baakanngwa go sale gale.
“Fa re nna re le phepa e bile motse wa rona o nna o le phepa, go dira gore re se ka ra ya ngakeng thata.”—Andreas. a
a Maina mangwe mo makasineng ono a fetotswe.
Tse Dingwe Tse O ka Di Kgatlhegelang
TSOGANG!
Se o Ka se Dirang Fa o Na le Seterese
Bona melaometheo e e ka go thusang go fokotsa seterese.
SE DITHAKA TSA GAGO DI SE BUANG
Basha ba Bua ka go Tshela ka Tsela e e Siametseng Botsogo
A o fitlhela go le thata go ja sentle le go ikatisa? Mo bidiong eno e khutshwane basha ba tlotla ka gore ba dira eng gore ba nne ba na le botsogo jo bo siameng.
