Akapachan jan walinakan uñjasisajja, waljaniw jan amuyasisa familianakapat armasjjapjje.

• Jaqenakajj amigonakapat jitheqtjjapjjewa.

• Casarat chacha warminakas sapa kutiw toqesipjje.

• Wawanakapajj kunjamäsipkisa ukjja, yaqhep awk taykanakajj janiw amuyapkiti ni llakisipkisa.

• Jan walinakan uñjasktan ukhajja, amigonakasajj jan estresasiñataki jan llakisiñatakiw yanaptʼistaspa.

• Estrés usojj akatjamatwa familiamar jan walin uñjasiyaspa.

• Jan wali noticianakajja wawanakamarojj jan waltʼayaspawa.

Bibliajj akham siwa: “Cheqpach amigojja taqe tiempon munasiriwa, mä cheqpach amigojja jan walinakajj utjki ukhajj mä jilar uñtasitawa” (Proverbios 17:17).

Khititï yanaptʼkiristam suma ewjjtʼsa churkiristam ukamp parltʼam. Jumar yanaptʼiri utjatap yatiñajja, chʼamwa churätam jan walinakar saykatañatakis yanaptʼarakïtamwa.