BUIN LIÑA UBÓU LAU TUROBULI
3 | Góunigi humaña hiduheñu hama humadagu
KA UAGU LUNTI LUBÉI HADÜGÜNI?
Dan le anihein lan lénrengunga, aba metenihaña lan saragu gürigia houn haduheñu ni houn hamadagu míchugunga hagía fe.
-
Aba hadisedun gürigia hawéi amu.
-
Ábatima hasigenehan maríeitiña hámagua.
-
Aba lóuguaali lan hebereserun agübürigu lau hadiheri hasaanigu.
Subuditi san hun?
-
Lidan lidaani lénrengunga, buiti lun gamadagu wamá ladüga híderagubadiwa lun madiheridun wamá saragu luma lun buidu lan wasandiragun woungua.
-
Kei buin liña lan ubóu le lau turobuli, gayaraati ladügün le lun hasandirun hiduheñu gibe lan katei lun hachügü ani barüti lira amu burí turobuli.
-
Gayaraati ladügün ñunsu le hanarime buriti lun hanufudedagun hisaanigu lidan aban igaburi le masaminarungubei humuti.
Ka gayaraabei hadügüni?
Ariñagatu Lererun Bungiu: “Aban umadaü, súnwandan buidu lan, ítara liña kei aban íbiri lidan lidaani idiheri” (Ariñawagúni 17:17).
Ayanuha humá luma aban gürigia le gayaraati líderagunün, ru ligíame adundehani buiti hun. Líderagubadün hasubudiruni hínsiñe humá houn humadagu lun hárügüdün erei lun hagagibudagun luma lénrengunga.
Háfuga hínsiñebei lan giñe le hun
AGAGUDUABÁ!
Adundehani lun wabagaridun lidan darangilaü hama amu
Kaba burí igaburi íderaguawa lun buidu wama hama amu?
