Bangod sa nagadugang nga kabalaka sa nagalala nga sitwasyon sa kalibutan, madamo ang indi hungod nga nagaguba sang ila relasyon sa ila mga pinalangga.

• Ang iban nagapalayo sa ila mga abyan.

• Mas pirme nagainaway ang mga mag-asawa.

• Halos wala ginasapak ukon ginabalewala lang sang mga ginikanan ang mga ginakabalak-an sang ila kabataan.

• Importante ang mga abyan kay makabulig sila sa imo para mangin mapagros ang imo panglawas kag mangin maayo ang imo pamatyag, ilabi na kon ara ka sa mabudlay nga sitwasyon.

• Ang stress bangod sa nagalala nga sitwasyon sa kalibutan mahimo magresulta sa wala ginapaabot nga mga problema sa inyo pamilya.

• Kon may makahaladlok nga mga balita, mahimo nga daw wala lang ini sa imo. Pero ang imo mga bata mahimo nga nagalalain gid sa sini.

Ang ginasiling sang Biblia: “Ang matuod nga abyan nagahigugma sa tanan nga tion, kag isa ka utod nga masaligan sa tion sang kalisdanan.”—Hulubaton 17:17.

Pamensara kon sin-o sa imo mga abyan ang makabulig sa imo kag makahatag sang praktikal nga mga panugda. Kon nabal-an mo nga may nagaulikid sa imo, mangin mas determinado ka nga atubangon ang mga problema nga nagaabot kada adlaw.