Ge dipelaelo di oketšega lefaseng le la mathata, batho ba bantši ga ba sa ba le segwera sa kgauswi le batho bao ba ba ratago.

• Ba ipea kgole le bagwera ba bona.

• Banyalani ga ba sa swarana gabotse.

• Batswadi ga ba sa hlokomela dilo tšeo di tshwenyago bana ba bona.

• Bagwera ba bohlokwa ka gobane ba re thuša gore re dule re phetše gabotse mmeleng le maikwelong kudukudu nakong ya mathata.

• Go gateletšega moo go bakwago ke mathata a mo lefaseng se ka dira gore go be le mathata ka lapeng.

• Ge bana ba bona le go kwa dilo tša go tšhoša mo ditabeng, seo se ka ba tšhoša go feta ka mo o ka naganago ka gona.

Beibele e re: “Mogwera wa kgonthe o dula a na le lerato ka dinako tšohle, e bile ke ngwanabo motho yo o ka ithekgago ka yena mohlang wa tlalelo.”—Diema 17:17.

Bagwera ba ka re thuša le go re fa keletšo yeo e ka re holago. Bagwera ba bjalo ba ka re thuša go kgotlelela mathata.