Yuja wanxta ipaxel ja wokolik ja bʼa joyanaltiki, jitsan kristyano wa xyawekan stalnajel ja spamilyaʼe.

• Ja kristyanoʼik wa spila sbʼaje.

• Ja nupanumik masni wa xkʼeye kʼumal.

• Ja nantatalik mixa jel xyaweyi stʼilanil ja jas wa xcham skʼujol ja yuntikile.

• Ja bʼa ekʼeleʼik jel wokol, jelni tʼilan ja kamigotik. Pes wa skoltayotike bʼa ajyel lek sok ja bʼa jastal ay wa xkabʼtiki.

• Ja estrés wani xbʼobʼ yijan wokolik ja bʼa wa pamilya bʼa junta chʼaykʼujol.

• Ja notisyaʼik xiwelaʼik sbʼaj, jelni oj sjom jawa wuntikili.

Ja Biblia wa xyala: «Jun mero amigo wa xkʼanwani spetsanil tyempo, sok wa sjeʼa sbʼaj lajansok jun amoj-alijel ja yajni wan ekʼel wokoli» (Proverbios 17:17).

Pensaran bʼa june wa xyabʼ stojol sok bʼa ojni yawi lekil rasonik. Snajel ay maʼ wa skʼanawa ojni yawi awip sok ojni snika bʼa kuchelawuj ja wokolik ja bʼa wa sakʼanili.