Тынычсыз дөньяда борчулар арткан саен, күп кешеләр, үзләре дә абайламыйча, бер-берсеннән ераклаша.

• Кешеләр үз дусларыннан читләшә.

• Ирле-хатынлылар арасында мөнәсәбәтләр суына.

• Әти-әниләр үз балаларының борчуларына әз игътибар бирә я бөтенләй аларны игътибарсыз калдыра.

• Дуслар аеруча авыр вакытларда безгә, физик һәм эмоциональ яктан сәламәт булыр өчен, бик кирәк.

• Дөньядагы вакыйгалар аркасында туган стресс гаиләбездә көтелмәгән авырлыкларга китерергә мөмкин.

• Борчулы яңалыклар балаларыбызны никадәр куркыта икәнен без хәтта абайлап бетермәскә мөмкин.

Изге Язмаларда болай диелә: «Чын дусның яратуы һичкайчан сүрелми, бәхетсезлеккә очраганда аңа кардәшеңә таянгандай таянып була» (Гыйбрәтле сүзләр 17:17).

Дустыбыз безгә ярдәм итә һәм гамәли киңәш бирә ала. Андый дусның барлыгын белү безгә авырлыкларны кичереп чыгарга көч өсти.