Como táan u peortal le kuxtaloʼ yaʼab máakoʼobeʼ sin ke u tsʼáaikoʼob cuentaeʼ ku xuʼulul u yeʼeskoʼob yaabilaj tiʼ u láakʼtsiloʼob yéetel ku náachtaloʼob tiʼ u amigoʼob.

• Le máakoʼoboʼ ku náachtaloʼob tiʼ u amigoʼob.

• Le máaxoʼob tsʼokaʼan u beeloʼoboʼ maas ku baʼateloʼob.

• Le taatatsiloʼoboʼ maʼatech u preocuparkubaʼob yoʼolal baʼax ku yúuchul tiʼ u paalaloʼob.

• Wa yaan k-amigoʼobeʼ jach jeʼel u yáantkoʼonoʼob le kéen k-aktáant problemas ichil k-kuxtaleʼ.

• U estresar máak yoʼolal tuláakal le baʼaxoʼob ku yúuchloʼ jeʼel u beetik u yantaltiʼ problemas ichil u familiaeʼ.

• Le noticiaʼoboʼ jeʼel u afectartik a paalaloʼobeʼ.

Le Bibliaoʼ ku yaʼalik: «Juntúul jach maʼalob amigoeʼ ku yeʼesik yaabilaj tiʼ tuláakal súutukil, tu kʼiinil táan u muʼyaj máakeʼ letiʼeʼ bey juntúul sukuʼuneʼ» (Proverbios 17:17).

Juntúul maʼalob amigoeʼ jeʼel u yáantkecheʼ, wa ku yilik kʼaʼabéettech áantajeʼ maʼ ten u pʼatech ta juunal, tsʼoʼoleʼ jeʼel xan u líiʼsik a wóoleʼ.