KOLA TRO NGAZO LA FEN
4 | Acatrene Jë La Mejiune i Epun
ENYIPIEWEKËN
Ame la itre atr a xou pine la itre ewekë ka traqa ngöne la fen, ka hetre thangane lai kowe la ngönetrei me mekuna i angatr. Alanyimu la itre ka melëne hë la itre jole cili. Angatr a mekune laka, aqane trongene hë lai. Nemene la hnei angatr hna kuca?
-
Xele angatr ma mekun la itre ewekë ka troa traqa elany.
-
Ame itre xan, angatr a iji gorok me xomi dorog matre thëthëhmine la itre jol.
-
Nge itre xan a mekun ka hape, kaloi pe troa mec. Angatr a isa hnying ka hape, “Nyine u la tro na mel?”
Nyine Troa Atre
-
Tha ka cile huti kö la itre xaa jol, ngo ame itre xaa ijin, hetre ewekë ka loi ka xulu qa ngön.
-
Ngacama tha patre kö la itre jol, ngo hetre ewekë nyine tro epuni a kuca, nge ka troa xatua epun troa xomihni.
-
Hetre mejiun hna hamën hnei Tusi Hmitrötr laka, troa patr palua elanyi la nöjei jol ne la fen.
Nyine Troa Kuca Enehila
Öni Tusi Hmitrötr: “The hnehengazone kö la drai elany, ke, qa i elanyi kö la drai elany. Eje hi, hetre itre sipu ejolene kö la drai.”—Mataio 6:34.
The mekune kö la drai elany. Nge the nue kö la itre jol ka troa traqa elany troa sewe epun troa kuca la nyine troa kuca enehila.
Maine tro epuni a mekun la itre jol ka tha traqa palakö, tro lai a thapa la madrine i epun, memine la mejiune i epun.
Hetre Mejiune Ka Lolo Hna Hamën Hnei Tusi Hmitrötr
Salamo 119:105) Goeëne la aqane qejepengöne la xötre celë hnei Tusi Hmitrötr, ene la Trengewekë i Akötresie:
Hnene la ketre atr cinyanyine la Salamo hna thith koi Akötresie. Öni angeic: “Lamepa ne la lue cange la wesi ula i cilie, me lai ne la jëng.” (Ame e jidr, laam a xatua së troa öhne la gojeny. Ketre tun, maine hetre mekun nyine tro sa canga axeciën, tro la inamacan ka ej e hnine la Tusi Hmitrötr a xatua së.
Tro la laam a thinan e gaa nanyi matre tro sa öhne la gojenyi së. Ketre tune fe, tro la Tusi Hmitrötr a xatua së troa öhne la itre ewekë ka troa traqa elany.