MULI ici citabo muli amalyashi aya cine ayafuma mu Baibolo, icitabo icacindama sana. Yalelanda pa fyacitika pano calo, ukutendekela pa nshita Lesa atampile ukupanga ifintu ukufika na muno nshiku. Muli na malyashi ayalelanda pa fyo Lesa alaya.

Ici icitabo cikakwafwa ukwishiba ifyaba mu Baibolo. Cilanda pa bantu ba mu Baibolo na pa fyo balecita, e lyo na pa bulayo bwa kwa Lesa ubwa kuti abantu bakekala umuyayaya mu paradaise.

Muli amalyashi 116 ayali mu fipande 8. Ibula lya kubalilapo mu cipande cimo na cimo lilelondolola mu kwipifya ifili muli ico cipande. Amalyashi yakonkene ukulingana ne nshita ilyo ifintu fyalecitikilapo pa kutila wishibe ifyo fyakonkene.

Aya amalyashi yalembelwe mu cibemba icayanguka. Mwe baice abengi mwakulaibelengela fye mwe bene. Mwe bafyashi mukasanga ukuti abana benu bakalafwaya sana ukuti mulebabelengela aya malyashi libili libili. Muli ici citabo muli ifisuma ifingi nga nshi ifyo abaice na bakalamba bengasambilila.

Amalembo umufumine aya amalyashi yalesangwa pa mpela ya cipandwa cimo na cimo. Tulemukoselesha ukulabelenga aya Amalembo.