HANAWANG la ketre itusi ka qatrenge la itre trenge edromë ka nyipici. Hna xome itre eje qa hnine la Tusi Hmitrötr, itusi ka sisitria catre kö hune la itre xaa itus. Itre eje a amexeje hmaca la aqane trongene la fen, qaane lo kola xupe ej, uti hë ngöne la hnedrai së. Itre eje mina fe a qaja la itre hna thingehnaean hnei Akötresie, thatraqane la itre atr ngöne la itre drai elany.

Tro hë nyipunie a trotrohnine la pengöne la Tusi Hmitrötr. Kola troa amexeje hmaca hnene la itre trenge edromë celë la aqane mele ne la itre atr hna qaja hnene la Tusi Hmitrötr, me itre ewekë hnei angatre hna kuca. Itre eje a amamane mina fe la ketre mejiune ka tru hnei Akötresie hna hnëkën thatraqane la itre atr, ene la troa mele epine palua ngöne la fen hna troa aparadraisone hmaca.

Hetrenyi la 116 lao edromë hnine la itus. Hna thawa kowe la eitr lao paatr. Hna cinyihan la itre mekune ka tru, qëmeken la troa nyiqaan la nöjei meken. Kola amë wengën la itre edromë thenge la isa ijine traqa itre eje ekö. Celë hi ewekë lai ka troa xatua nyipunie troa atre la ijine traqa la itre ewekë ekö, me thangane itre eje kowe la itre xaa ewekë ju kö.

Thaa tro kö a jol e troa e la itre edromë cili, pine laka, hmaloi la aqane cinyihan. Tro la itre nekö i nyipunie ka co, a pi ajan troa hane e itre ej. Tro mina fe la itre ka co catr a madrin, e tro nyipunie itre kem me thin, a e lapaan koi nyudren lai itre edromë. Tro fe së a öhne laka, nyimutre la itre mekun ka sisitria catr kowe la itre thöthi me itre qatr.

Ame ngöne la pun la itre edromë, hetrenyi la itre xötr ne la Tusi Hmitrötr; hna xome hi la itre edromë qa ngöne itre ej. Loi e troa e la itre xötre cili, e hnine la Tusi Hmitrötr.