DAYTOY ket libro dagiti pudno nga estoria. Naadawda manipud kalatakan a libro iti lubong, ti Biblia. Itden ti estoria kadakayo ti historia ti lubong agingga iti agdama nga aldaw. Ibagada pay ti aramiden ti Dios iti masanguanan.

Sagudayen daytoy a libro maipapan ti tattao idiay Biblia ken ti bambanag nga inar-aramidda. Ipakitana met ti naindaklan a namnama ti biag nga agnanayon iti paraiso a daga nga inted ti Dios iti tao.

Adda 116 nga estoria iti libro. Naurnong dagitoy iti walo a paset. Maysa a panid iti pangrugian ti tunggal paset ti mangisalaysay iti ababa ti masarakan iti dayta a paset. Agparang dagiti estoria sigun iti panagsasagadsad ti paspasamak iti historia.

Dagiti estoria ti naisalaysayda iti nalaka a pagsasao. Adu nga ubbing ti makabasa iti dayta. Makitanto dagiti nagannak a maragsakanto dagiti babassit nga ub-ubbing a mangulit-ulit a mangbasa kadagitoy nga estoria.

Dagiti sitas ti Biblia ti adda idiay ungto ti tunggal estoria. Maparegtakayo a mangbasa kadagitoy a paset ti Biblia a nakaibatayan dagiti estoria. Apaman a mabasayo ti maysa nga estoria, repasuenyo met dagiti saludsod maipapan iti dayta nga estoria a masarakan kalpasan ti Estoria 116 ken ikagumaanyo a lagipen dagiti sungbat.