NA TRU tru stori dɛn de na dis buk. Di stori dɛn kɔmɔt na di Baybul. Dɛn de tɔk bɔt di tin dɛn we Gɔd du frɔm di tɛm we i bigin mek di enjɛl dɛn ɛn di wɔl te di tɛm we wi de so. Dɛn de ivin tɔk bɔt di tin dɛn we Gɔd go du tumara bambay.

Dis buk de mek yu no wetin di Baybul de tɔk bɔt. I de tɛl yu bɔt pipul dɛn we de na di Baybul ɛn di tin dɛn we dɛn bin du. I de tɔk bak bɔt Gɔd in prɔmis fɔ gi in pipul dɛn layf we go de sote go na Paradays.

Na 116 stori dɛn de na dis buk. Dɛn de bay pat, frɔm pat wan to pat et. Wan pej de bifo ɔl di pat dɛn we de tɔk smɔl bɔt wetin de insay da pat de. Dɛn rayt di stori dɛn di we aw dɛn bin de apin na di Baybul. Dis go ɛp yu fɔ no ustɛm dɛn tin ya bin apin.

Dɛn rayt di stori dɛn simpul wan so dat pikin dɛn go ebul rid am fɔ dɛnsɛf. Mama ɛn papa dɛn go si se dɛn smɔl pikin dɛn go want mek pɔsin rid di stori dɛn fɔ dɛn ɔltɛm. Una go si se pikin dɛn ɛn big pipul dɛn go lɛk fɔ rid dis buk.

Skripchɔ dɛn de afta ɔl di stori dɛn. I go fayn mek yu rid di skripchɔ dɛn na di Baybul. We yu dɔn wan stori, go to di kwɛstyɔn dɛn we de afta stori 116 ɛn tray fɔ fen di ansa dɛn.