Мукаддес Язгылардан хекаялар

ШУ КИТАПДА болан вакалар гүррүң берилйәр. Шол хекаялар дүнйәде иң бейик китапдан, ягны Мукаддес Язгылардан алынды. Китапда Худайың ярадып башланындан, тә шу гүнлере ченли болан вакалар гүррүң берилйәр. Шейле хем, Худайың этҗек затлары барада айдыляр.

Шу китабы окап, Мукаддес Язгылар барада көп зат билерсиңиз. Китапда Мукаддес Язгылардакы адамлар ве оларың эден ишлери барада гүррүң берлер. Шейле-де, ер йүзүнде болҗак Җеннетде Худайың адамлара берҗек эбеди яшайышы барада айдыляр.

Китапда җеми 116 хекая бар. Олар секиз бөлүмден ыбарат. Хер бөлүмиң өңүнден гысгача мазмуны берилйәр. Тарыхың довамында вакалар нәхили болуп гечен болса, хекаялар хем шейле тертипде гелйәр. Шейлелик билен, сиз хайсы ваканың ызындан хайсының боландыгыны билерсиңиз.

Хекаялар йөнекей дилде гүррүң берилйәр. Чагалар, сизиң көпүңиз китабы өзбашдак окап билерсиңиз. Ата-энелер, сиз болса, хекаялары чагаларыңыза гайта-гайта окап берениңизде, оларың хөвес билен диңлейишлерини гөрерсиңиз. Шу китап чагалар үчинем, улулар үчинем гызыклы болар.

Хер хекаяның ахырында Мукаддес Язгылардан аятлар берилйәр. Шол аятлары Мукаддес Язгылардан окасаңыз говы боларды.