MI GBAMI 1
Kɛ Je Ní Bɔmi Nɔ Kɛ Ya Su Nyu Afua A Nɔ
Jije hiɔwe kɛ zugba a je kɛ ba? Nɛ kɛ pu, nyɔhiɔ kɛ dodoehi, kɛ ní kpahi fuu nɛ́ ngɛ zugba a nɔ ɔ plɛ kɛ ba kɛɛ? Heto nɛ Baiblo ɔ ha kaa Mawu lɛ bɔ mɛ ɔ ji anɔkuale. Lɔɔ heje ɔ, wa ngɔ Baiblo ɔ mi sanehi nɛ́ kɔɔ adebɔ he kɛ je wa womi ɔ sisi.
Níhi nɛ Mawu bɔ kekle ji mumi mi nihi nɛ́ a ngɛ kaa lɛ. A ji Bɔfohi. Se a bɔ zugba a kɛ ha wɔ nimli. Lɔɔ he ɔ, Mawu bɔ nyumu kɛ yo nɛ́ a tsɛɛ mɛ ke Adam kɛ Hawa, nɛ e ngɔ mɛ kɛ wo abɔɔ nɛ́ ngɛ fɛu ko mi. Se a gbo Mawu tue nɛ he blɔ nɛ a ngɛ kaa a maa hi si daa a je a dɛ.
Kɛ je benɛ a bɔ Adam kɛ ba su Nyu Afua a nɔ ɔ ngɔ jeha 1,656. Nimli yayamihi fuu hi si ngɛ jamɛ a be ɔ mi. Satan kɛ e bɔfo yayami ɔmɛ nɛ́ a ji mumihi nɛ́ a nɛ mɛ ɔ ngɛ hiɔwe jamɛ a be ɔ mi. Nɛ Kain kɛ ni komɛ nɛ́ a he wa saminya, kɛ nimli yayami kpahi fuu hu ngɛ zugba a nɔ ngɛ jamɛ a be ɔ mi. Se nimli kpakpahi komɛ kaa Habel, Enok kɛ Noa hu ba hi zugba a nɔ. Wa maa kane nimli nɛ ɔmɛ kɛ níhi nɛ ba tsuo he sane ngɛ KEKLE Mi Gbami ɔ mi.
NGƐ FA NƐ Ɔ
NÍ KASEMI 1
Mawu Je Ní Bɔmi Sisi
Mose kekleekle womi ɔ nɛ tu adebɔ he munyu ɔ sisi numi yi nɛ e ngɛ bua jɔmi kɛ ha jokuɛwi po.
NÍ KASEMI 2
Abɔɔ Ko Nɛ Ngɛ Fɛu
Mose kekleekle womi ɔ tsɔɔ kaa Mawu bɔ Eden abɔɔ ɔ ngɛ he ko nɛ ngɛ slɔɔto. Mawu suɔ nɛ zugba a tsuo nɛ pee kaa jamɛ a abɔɔ ɔ nɛ ngɛ fɛu ɔ.
NÍ KASEMI 3
Kekle Nyumu Kɛ Yo
Mawu bɔ Adam kɛ Hawa nɛ e kɛ mɛ wo Eden abɔɔ ɔ mi. Mɛ ji kekleekle nihi nɛ a sɛ gba si himi mi.
NÍ KASEMI 5
A Je Si Himi Nɛ́ Mi Wa Sisi
Adam kɛ Hawa kɛ nyagbahi fuu kpe ngɛ Eden abɔɔ ɔ se. Kaa a bu Mawu tue ɔ jinɛ a bimɛ ɔmɛ a bua maa jɔ.
NÍ KASEMI 6
Bi Kpakpa Kɛ Bi Yayami
Kain kɛ Habel a sane ɔ nɛ ngɛ Mose Kekleekle Womi ɔ mi ɔ tsɔɔ wɔ nimli nɛ e sa nɛ waa pee—kɛ suhi nɛ e sa kaa wa tsake loko e ba kpɛ se.
NÍ KASEMI 7
Nyumu Kãtsɛ Ko
Enok nɔ hyɛmi nɔ́ ɔ tsɔɔ kaa ke nihi nɛ a bɔle mo ɔ ngɛ yayami pee po ɔ, o ma nyɛ maa pee nɔ́ nɛ da.
NÍ KASEMI 8
Zugba a Nɔ Oblaihi
Mose Kekleekle Womi ɔ yi 6 tu oblaihi nɛ a ye nihi awi a he munyu. Oblai nɛ ɔmɛ ji bɔfohi nɛ a tɔ̃ Mawu nɔ nɛ a je hiɔwe nɛ a ba hi si ngɛ zugba a nɔ kaa adesahi ɔ a bimɛ.
NÍ KASEMI 10
Nyu Afua Nguaa
Nihi ngɛ muɔe benɛ Noa ngɛ mɛ kɔkɔ bɔe ɔ. Se benɛ nyu ɔ ngɛ nɛe ɔ lɛɛ a kpa muɔmi! Moo hyɛ bɔ nɛ lɛ ɔ nɛ Noa kpɛ ɔ he Noa, e weku ɔ kɛ lohwehi fuu a yi wami ha.
