1 TROKIÑ
Tuwi mongen mew, ka ti Fütra Mangiñ Ko
¿Chew tuwi ti wenu ka ti Mapu? ¿Chumngechi dewmangey chi Antü, Küyen ka wangülen, ka itrokom chemküfchi mülelu Mapu mu? Biblia wülkey rüf wiñoldungun feypin mu, itrokom dewmay Ngünechen. Feymew, taiñ lifru (papil) wüne llituy ñi Biblia nütram, chumngechi tuwi mongen.
Kimayiñ, Ngünechen wüne dewmafilu pu püllü, kidu mu epe trüri. Tati kümeke werken püllü. Welu tüfachi Mapu dewmangey tati pu che iñchiñ reke. Feymu lle Ngünechen dewmay chi wentru, Adan pingefuy, ka domo, Eva pingefuy, ka elkünufi engu kiñe tutelu malaltükulechi rayen (chichiken) reke, kiñe Küme Mülewe. Welu feyentulayngu (müngeltulayngu) Ngünechen, ka ñamümi ñi elufalün amuleal ñi mongen engu.
Ñi dewmangen Adan, ka akun mu Fütra Mangiñ Ko rupay 1.656 tripantu. Feychi antü mu, mongelefuygün fentren wedake che. Üye wenu mapu mu, mülekefuyngün pengekenochi püllü, Satana ka tañi pu wedake püllü. Mapu mew, mülekefuyngün Kain ka fentren wedake che, ka kiñeke afmatufalchi wentru tañi nieel fentren newen. Welu ka müley kümeke che Mapu mu... Abel, Enok, ka Noe. Tüfachi KIÑE TROKIÑ mew, chillkatuayiñ kom tüfachi che ka kom tüfachi rupachi dungu.
TÜFACHI TROQUIÑ MU
NÜTRAM 1
Ngünechen amuli itrofill ñi dewmael
Genesis mülechi nütram dungu adümfali ka ayüfali, tati pu pichikeche mu kütu.
NÜTRAM 2
Kiñe tutelu malaltükulechi rayen
Genesis ñi feypin mu, Ngünechen dewmay ti tutelkalechi lof Eden kiñe sakifalngechi mülewe. Ka Ngünechen ayüy kom ti Mapu ngetuay femngechi mülewe mu.
NÜTRAM 3
Wünen wentru ka domoche
Ngünechen dewmafi Adan ka Eva, ka elkünufi ti tutelkalechi anümkawe Eden mu. Fey engu ti wünen kurewen ngeyngu.
NÜTRAM 4
Chumngechi ñamümi engu chew ñi mülemum
Ti Génesis pingechi lifru mülelu Biblia mu feypieiñmu chumngechi ñamümngey ti küme mülewe.
NÜTRAM 5
Kiñe weda mongen nietuyngün
Wekun Eden mu, Adan ka eva chaftukefingu wedake dungu. Feyentufule ta Jewba mu engu, kiñe ayüwün-ngechi mongen nieafuy kidu engu ka kom tañi pu püñeñ engün.
NÜTRAM 6
Kiñe küme fotüm, kangelu weda fotüm
Kain ka Abel ñi nütram mülelu Génesis mu, kimeleiñmu chem che ngeal, ka chem wedake dungu piwke mu mülelu müley taiñ kangetual, petu tañi femniefel.
NÜTRAM 7
Kiñe llükachekenochi wentru
Enok ñi inayentufalchi femün pengeli ta kümeke dungu femkeafuymi, walloñmaelmu rume weda femkechi che.
NÜTRAM 8
Fütrake wentru mülekefulu mapu mew
Génesis kapitulo 6 nütrami fütrake wentru allfülkefilu pu che. Tüfachi pu fütrake wentru, Nefilim pingekey, tüfa engün wedake püllü tañi yall ngen, elkünulu ta wenu mapu fey nagpayngün wentru ngepayal.
NÜTRAM 9
Noe dewmay kiñe fütra wampo ruka
Noe ka tañi pu che montuyngün ti fütra mangiñ ko mu feyentufilu am ta Ngünechen engün, kakelu pu che feyentunolu rume am.
NÜTRAM 10
Chi Fütra Mangiñ Ko
Pu che ayetukey Noe ñi ngüfetun mu. ¡Welu ayetulayngün nagpalu ti fütra mawün wenu mu! Kimnge chumngechi ti Noe ñi fütra wampo ruka montulfi Noe, tañi pu che ka fentren kulliñ.
