1 JALJÄWI
Qalltat Uma Juiciokama
¿Kunjamatsa alaxpachas aka Uraqis utji? ¿Kunjamatsa Intisa, Phaxsisa, warawaranakasa, taqi kunas uñsti? Bibliaw uka tuqitxa chiqap yatichi, taqi kunasa Diosan lurataw siwa. Ukatwa, Bibliat apstʼat sarnaqäwinakani aka librosaxa, kunjamsa lurasïna ukat parlañ qallti.
Diosan nayraqat luratanakapaxa jupjam ajayunakänwa uk yatiqañänixa. Angelanakäpxänwa. Ukampisa aka Uraqixa jiwasjam jaqinakataki luratawa. Ukatwa Diosax Adán chachampi Eva warmimpirux luratayna ukat suma huertaruw uchatayna. Ukatxa jupanakax Diosar jan istʼasaw jakäwipxa aptʼapxäna.
Adanax luratäkän ukapachat Uma Juiciokamax 1.656 maranakaw pasäna. Uka maranakanxa walja jan wali jaqinakaw jakapxäna. Alaxpachanxa jan uñjkañ Supayampi ñanqha angelanakampiw jakapxäna. Aka Uraqinxa, Cainampi, ukat yaqha jan wali jaqinakampiw utjäna, wali chʼaman mayja jaqinakas utjarakïnwa. Ukampisa, suma jaqinakax utjarakïnwa... Abel, Enoc ukat Noé sat tatanaka. Aka MAYA Jaljäwinwa taqi uka jaqinakatxa ukat ukapacha luräwinakatxa liytʼañäni.
AKA SECCIONANJJA AKA YATICHÄWINAKAW UTJI
1 SARNAQÄWI
Diosaw taqi kun lurañ qallti
Diosan luratanakapat Génesis librox parlki ukanakxa, jiskʼa wawanakas facilakwa aka libron yanaptʼapampix amuyapxaspa.
2 SARNAQÄWI
Mä suma huerta
Génesis libroxa Diosax Edén jardín wali sum luräna sasaw qhanañchi. Aka uraqix ukham wali suma jardinar tukuñapwa Diosax muni.
3 SARNAQÄWI
Jaqinakan qalltäwipa
Diosax Adanampir Evampir lurasax Edén jardinaruw uchäna. Jupanakaw nayrïr kutipunix casarasipxäna.
4 sarnaqäwi
Kunjamsa utjäwip aptʼapxäna
Génesis libroxa kunjamas Paraisox aptʼasiwayi uka tuqit wali sum qhanañchi.
5 SARNAQÄWI
Chʼama tukuñan qalltapa
Edén jardinat jaqsutäxasaxa, Adanampi Evampix kunayman jan walinakanwa uñjasipxäna. Diosar istʼapxaspäna ukhaxa, jupanakampi wawanakapampix kusisitaw jakasipxaspäna.
6 SARNAQÄWI
Suma yuqampi jan wali yuqampi
Génesis libron Cainampin Abelampin sarnaqäwipat parlki ukaxa, Diosar kusisiyañatakix kunsa lurañasa, kunatsa jan wali amtanakampix jan apayasiñasäki ukanak yatichistu.
7 SARNAQÄWI
Jan axsarir tata
Enoc chachan sarnaqäwipaxa akwa yatichistu: mayni jaqinakax jan walinaksa lurapkschinixa, jiwasax kunatï sumäki ukwa lurañasa.
8 SARNAQÄWI
Jachʼa jaqinaka
Génesis 6 capituloxa, jachʼa jaqinakaw mayni jaqinakarux tʼaqhisiyäna sasaw qhanañchi. Uka nefilim sat jachʼa jaqinakax angelanakan wawanakapäpxänwa.
9 SARNAQÄWI
Noé tatax mä arka luri
Waljanix janis istʼasirïpkchïnxa, Diosar istʼapxatap laykuw Noé chachasa familiapas uma Juiciot qhispipxäna.
10 SARNAQÄWI
Uma Juicio
Noé chachax Uma Juiciow jutani sasin yatiykäna ukhaxa, jaqinakax wal larusipxäna, ukampis kunapachatï jallux wal purintxäna ukhakiw chiqätap amuyapxäna. Noé chachan sarnaqäwipaxa, kunjamsa Noé chachasa, familiapasa, walja animalanakasa arcar mantasax salvasipxäna ukwa qhanañchi.
