Һиссә 1
Јарадылышдан Дашгынадәк
Ҝөј вә јер неҹә јараныб? Ҝүнәш, Ај, улдузлар вә јер үзүндә олан башга шејләр һарадан мејдана ҝәлиб? Мүгәддәс Китаб бу суаллара доғру ҹаваб верир: бүтүн бунлары јарадан Аллаһдыр. Беләликлә, китабымыз Мүгәддәс Јазыларын јарадылыш һаггында олан һекајәләри илә башлајыр.
Бу китабдан өјрәнәҹәјик ки, Аллаһ илк нөвбәдә Өзү кими ҝөзәҝөрүнмәз руһани шәхсијјәтләр јаратмышдыр. Бунлар мәләкләрдир. Јери исә Аллаһ инсанлар үчүн јаратмышдыр. Буна ҝөрә дә О, Адәм вә Һәвва адлы илк киши вә гадыны јарадыб, онлары ҝөзәл бир бағда јерләшдирди. Амма онлар Аллаһын сөзүндән чыхдылар вә јашамаг һүгугларыны итирдиләр.
Адәмин јарадылмасындан бөјүк Дашгына гәдәр 1 656 ил кечмишдир. Бу вахт әрзиндә чохлу пис шәхсијјәтләр јашајырды. Ҝөјдә, ҝөзәҝөрүнмәз руһани варлыглар, јәни Шејтан вә онун пис мәләкләри јашајырдылар. Јер үзүндә исә Габил вә бир чох пис адамларла јанашы, гејри-ади ҝүҹә малик олан варлыглар вар иди. Бүтүн бунлара бахмајараг, јер үзүндә Һабил, Ханок вә Нуһ кими јахшы инсанлар да өмүр сүрүрдү. БИРИНҸИ ҺИССӘДӘ бу инсанлардан вә һадисәләрдән бәһс едиләҹәк.
БУ БӨЛМӘДӘ
ҺЕКАЈӘ 2
Ҝөзәл бағ
Јарадылыш китабына әсасән, Аллаһ Еден бағыны хүсуси јердә јаратмышды. Аллаһ истәјирди ки, бүтүн јер үзү бу бағ кими ҝөзәл олсун.
ҺЕКАЈӘ 3
Илк киши вә гадын
Аллаһ Адәм вә Һәвваны јарадыб Еден бағында јерләшдирди. Онлар илк ҹүтлүк олдулар.
ҺЕКАЈӘ 4
Онлар евләриндән говулурлар
Мүгәддәс Китабын Јарадылыш китабында итирилмиш ҹәннәтдән бәһс олунур.
ҺЕКАЈӘ 5
Һәјат чәтинләшир
Еден бағынын кәнарында Адәм вә Һәвванын чохлу чәтинликләри вар. Әҝәр онлар Аллаһа итаәт етсәјдиләр, онлар вә өвладлары хошбәхт оларды.
ҺЕКАЈӘ 6
Јахшы оғул вә пис оғул
Јарадылыш китабындакы Габиллә Һабилин һадисәси бизим неҹә инсан олмалы олдуғумузу ҝөстәрир вә һәлә ки ҝеҹ дејил, нәји дәјишмәлијик.
ҺЕКАЈӘ 7
Ҹәсарәтли инсан
Ханокун ҹәсарәт нүмунәси ҝөстәрир ки, һәтта әтрафында бүтүн инсанлар пис олсалар белә, сән јахшы даврана биләрсән.
ҺЕКАЈӘ 8
Јер үзүндәки нәһәнҝләр
Јарадылыш китабынын 6-ҹы фәслиндә дејилир ки, нәһәнҝләр инсанлары инҹидирдиләр. Бу нәһәнҝләр Нефилим адланырды. Онлар јер үзүнә инсан кими ҝәлиб јашајан мәләкләрин өвладлары идиләр.
ҺЕКАЈӘ 9
Нуһ ҝәми тикир
Башга инсанлардан фәргли олараг, Нуһ вә аиләси Аллаһа итаәт етдикләр үчүн Дашгындан сағ чыхдылар.
ҺЕКАЈӘ 10
Бөјүк Дашгын
Инсанлар Нуһун хәбәрдарлығына ҝүлүрдүләр. Анҹаг ҝөјдән лејсан төкмәјә башлајанда артыг ҝүлмүрдүләр! Өјрән ҝөр Нуһ, аиләси вә бир чох һејванларын неҹә хилас олдулар.
