YƆRƆ FƆLƆ

K’a ta fɛnw dali la ka na a bila sanjiba la

Sankolow ni dugukolow bɔra min? Tile, kalo ni dolow, ani fɛn caman minnu bɛ dugukolo kan, olu nana cogo di? Bibulu bɛ o jaabi jɔnjɔn di an ma. A b’a fɔ an ye ko Ala de ye o fɛnw bɛɛ da. O kosɔn, an ka gafe bɛ daminɛ ni maanaw ye minnu bɛ dali kan.

An b’a kalan ko Ala ye fɛn fɔlɔ minnu da, olu ye mɛlɛkɛw de ye. Nka, dugukolo dara anw de kama. O de y’a to Ala ye cɛ da min tɔgɔ ye ko Hadama, ka muso da min tɔgɔ ye ko Hawa. Ala ye u bila nakɔ cɛɲumanba dɔ kɔnɔ. Nka, Hadama ni Hawa ma sɔn ka Ala ka kuma mɛn. O kosɔn, u tun man kan ka to alijinɛ kɔnɔ tun.

San ba kelen ani san kɛmɛ wɔɔrɔ ni san biduuru ni wɔɔrɔ (1656) de bɛ Hadama dali ni sanjiba nali cɛ. Mɔgɔjugu tun ka ca o waati la. Sankolo la, mɛlɛkɛjuguw tun bɛ yen, n’o ye Sitanɛ ni a ka mɛlɛkɛw ye. Dugukolo kan, Kaɛn ni mɔgɔjugu caman wɛrɛw tun bɛ yen. Barikaba tun bɛ u dɔw la min tun ɲɔgɔn ma deli k’a ye. Nka, mɔgɔ ɲumanw fana tun bɛ dugukolo kan, i n’a fɔ Abɛl, Henɔk ani Nuhun. An bɛna kunnafoniw sɔrɔ o mɔgɔw ni o kow bɛɛ kan, gafe Yɔrɔ FƆLƆ la.