CHIHANDA 1
Chize ha Yitangiwa ndo ha Sanga lia Meya
Malilu ni hashi kulihi anakeza? Tangwa, kakweji ni tutongonoshi, nawa ni yuma yikwo yinji ya hano hashi kulihi yinakakatuka? Mbimbiliya yinahana kumbululo liamwenemwene ngwo Zambi mwe wayitangile. Kashika mukanda wetu unaputuka ni yishima ya mu Mbimbiliya hakutwala ku yitangiwa.
Yitangiwa yitangu ya Zambi, yize mutulilongesa, kali atu a spiritu, waze analifwa ni Zambi. Ayo kali angelo. Alioze hashi kanakatangoho hanga atu atwamoho. Kashika Zambi yatanga lunga ni pwo, waze anavuluka ngwo Alama ni Eva, yaasa mu munda upema. Alioze ayo yehuka kuli Zambi yatokesa mwono wo wa matangwa eswe.
Ha yuma yino yeswe, chize ha kutanga cha Alama ndo ha Sanga linene lia Meya, kunakapalika 1,656 a miaka. Ha mashimbu eswe awa, kunakapwa atu anji api. Mu malilu, mwapwile atu a spiritu waze keshi kumoneka, Satana ni angelo jenyi api. Hano hashi, hapwile Kene ni atu akwo api, kuchinga ni malunga akwo akwa tachi jinji. Alioze kwapwile nawa atu akwo apema hano hashi—Abele, Enoke ni Noa. Ha Chihanda CHITANGU, mutulilongesa hakutwala kuli atu wano eswe, ni yuma yeswe yize yinakapwako.
HA CHINO CHIHANDA
CHISHIMA 1
Zambi Haputuka Kutanga Yuma
TLusango hakutwala ku uputukilo wa yitangiwa kali mwashi kunyingika—chipwe kuli twanuke.
CHISHIMA 3
Lunga ni Pwo Mutangu
CHISHIMA 4
Mumu Liaka Ayo Anakatokesa Chihela Cho Chipema
Mukanda wa Uputukilo unatulweze chize paraisu yitangu yatokele.
CHISHIMA 5
Kuputuka cha Mwono Ukalu
Mwono haze lia Munda wa Endene, Alama ni Eva kanapalika mu lamba linji. Nyi kwononokene Zambi kachi kali ni uwahililo ku mwono hamwe ni ana jo.
CHISHIMA 6
Mwana Mupema ni Mwana Mupi
Lusango wa Kene ni Abele uli mu mukanda wa Uputukilo, kanatulongesa hakutwala ku mutapu wa mutu yoze twatamba kupwa—ni yitanga yize twatamba kwalumuna kawashi-washi.
CHISHIMA 7
Umwe Lunga wa Hamu
Chilweza cha Enoke chasolola ngwo muhasa kulinga yuma yalita chipwe ngwe atu waze watunga no kakulinga yuma yipi.
CHISHIMA 8
Yindululu Hano Hashi
Uputukilo kapitulu 6 kanatulweze hakutwala kuli yindululu waze te akulinga atu yuma yipi. Malunga jacho atakama, waze avuluka ngwo Yindululu, kapwile ana na angelo api waze ahichikile malilu ni kwiza hano hashi.
CHISHIMA 9
Noa Kanatunga Umwe Ulungu
Noa ni usoko wenyi kalilamwinyine ku Sanga lia meya mumu ayo te kakwononokena Zambi chipwe ngwe akwo te keshi kuzanga kwapanjika.
CHISHIMA 10
Sanga Linene lia Meya
Atu kapwile ni kuseha Noa muze te akwatoweza. Alioze muze sanga lia meya liazalile hashi heswe, ayo kakahashile nawa kuseha! Fupa kunyingka chize ulungu walamwinyine Noa, asoko jenyi ni tushitu anji.
