PARTE 1
Ibmar obinyileded, Dii Dummad wisadse
¿Doa nibneg geb Nabbanega obinyisa? ¿Doa Dad naidi obinyisa, Nii geb niisgwamar, geb bela buggidar we Nabbaneggi ibmar niggadi? Biblia wegi ibmar egislenanaidgi sunmagnai, nueggwa sognai, soge Babdummadi bela we ibmar obinyisye. Aa gala we garda gebe gine sunmade, gebe ibmar obinyileded gine.
Anmar durdaggoe, Babdummad gebe obinyisa dule burbarmalad egimaladi. Wemala, ángelmala. Auggine, Nabbaneg dina dulemar gala obinyilesa. Aa gala, Babdummad imasa massered ome bogwa, onugsalesmala Adán geb Eva, geb wemar neg yeerdaglegedgi ogwissilesmala. Ar burgwega obinyilessurmar soggua, Babdummadba ibsassurmalad bali, emidi burgwemarsunnoe.
Adán obinyilesad aggale, geb Dii Dummad wisadse, belagwable nasa 1,656 años. Aa ibagangi buggidar dulemar isganagana gudigusmala. Nibneggi, Satanás geb ángelmar isganamar gudimalana. Nabbaneg gindina, gudigusmala Caín geb buggidar dule bamalad isganagan; aamar abargine gudigusmarbali dulemar yeer gangued nigmaladi, aaulale dule bamalad bogwa aggarmalana. Auggine, dule nuegana Nabbaneggi anba gudigusmarmoga... Abel, Enoc, geb Noé. We Parte UNO gine anmar absogoe, bela we dulemar siggi geb ibmar gusmalad siggi.
EN ESTA SECCIÓN
SUNMAGNAID 2
Neg yeerdagleged
Genesisgi soglenaid, Bab Dummad, Edengi neg yeer dagle imasye. Bab Dummad abeged, bela nabbaneg Edenyobi yeer dagle gumogad.
SUNMAGNAID 3
Dulemar anbaggude
Bab Dummad, Adan, Evabo obinyisad neg yeer daglegedgi gudi samalaga. Adan inso we nabbaneggi ome niggusad.
SUNMAGNAID 4
Ibigala neg surgusmala
Bibliagine, Genesisgi soglenaid, ibigala nabbaneg bar yeer daglesuli.
SUNMAGNAID 5
Negbeedse guali
Edengi onolesmalad sorbali, wemarga negbeedse gualid. Bab sogedba igar imasmalana na mimmiganbo yeer iddodi gumaloenad.
SUNMAGNAID 6
Massi nued geb massi isgana
Genesisgi soglenaid, Cain dule igi daedina, Abel dule igi daedmogana; degsoggu, Bab Dummad nued anmar dagged anmar abemogale, ibu anmar imagger gebe, igi daed anmar indagger gebe.
SUNMAGNAID 7
Dule dobsur daedi
Emi ibagi dulemar isganagan yaisurgus inigwale Enocyobi nabir anmar ibmar nuegan imagmogad. Burwigan nabir Bibliagi durdagged, ibu imagmalar gebe Enocyobi mer dobgumarmogaga.
SUNMAGNAID 8
Dule dummagan Nabneggi buggusa
Genesis, capitulo 6 gi soglenaid, ebbenne dulemar yeer dungumalad gudii gusmaladi, sabsur dulemar imagdii gusmarye. Wemar nefilimye bilesmalad, angelmar nabbanegse baddismalad mimmiganad.
SUNMAGNAID 9
Noe arca sobsa
Dulemardi Bab Dummad sogedba igar imassurmar inigwale, Noedi e gwenadgan Bab sogedba igar imasadba bendaglesmalad.
SUNMAGNAID 10
Dii Dummad wisad
Dulemar, Noeg dodosmaladi, dii dummad widgu bela beladse wilesmalad. Ebbenne Noe arca sobsadbali nabir na gwenagan bensad, buggidar ibmar durgan bendaglesmogad.
