SHIʼIPA 1
Kasa akumajuushi otta juya miyoʼushaata
¿Jamakuwaʼipat tü sirumatuʼukat otta tü Mmakat? ¿Jara kakumajalaka chi Kaʼikai, chi Kashikai, tü jolotsükalüirua otta tü kasa eekat Mmapaʼa? Nukumajala Maleiwa saashin tü Wiwüliakat. Wekirajaa palajana sünain tü kasa nukumajalakat.
Watüjaajeerü aaʼu nukumajüin Maleiwa palajana na aapieekana otta nukumajüin tü Mmakat wapüla. Nukumajüin Adán sümaa Eva, niʼitaaka naya suluʼu wanee mma anasü. Nnojoishii oonooin nümüin Maleiwa, ouktaka naya.
Sünainjee nukumajünüin Adán sünainmüin tü juya miyoʼushaatakat alatüsü 1.656 juya. Soʼu tia wainma wayuu mojulaasü. Chajachi iipünaa Satanás jee na yolujaakana otta Mmapaʼa yaajachi Caín namaa na wayuu mojulaashiikana maʼaka naaʼin na wayuu miyoʼushaatakana. Eejana wayuu anamia Mmapaʼa... Abel, Enoc otta Noé. Wekirajaajeerü süchiki nakuwaʼipa otta tü alatakat namüin sünain tü PALAJATKAT Shiʼipa.
SÜNAIN SHI'IPAKAT TÜÜ
AKÜJALAA 1
Tü kasa akumajuushikat
Mapüleejeerü namüin na tepichikana aashajeʼeraa jee ayaawataa saaʼu jamakuwaʼipalüin tü kasakalüirua sümaiwa aküjünaka suluʼu Génesis.
AKÜJALAA 2
Wanee mma anasü
Aküjünüsü suluʼu Génesis nukumajüin Maleiwa wanee mma anasü chaa Edén. Keeʼireesü naaʼin Maleiwa anainjatüin mmakat süpüshuaʼa.
AKÜJALAA 3
Akumajünüsü wayuu
Akumajuushi Adán sümaa Eva nutuma Maleiwa sümaa niiʼitaain naya suluʼu wanee mma anasü, Edén sünülia. Kasatshii naya nutuma Maleiwa.
AKÜJALAA 4
Tü mma amülouikat
Aküjünüsü suluʼu Génesis jamüin amülouika tü mma anasükat, tü paraiisükat.
AKÜJALAA 5
Müliashi Adán otta Eva
Müliashi maʼin Adán sümaa Eva nnojoliipa naya suluʼuin tü mma anasükat, Edén. Nnojoliishiijeʼe müliain nachonnii noonoolejeʼe sümaa nünüiki Maleiwa.
AKÜJALAA 6
Anamia Abel nuulia Caín
Ekirajünüshii waya sükajee tü nukuwaʼipakat Caín otta Abel suluʼuka Génesis, süpüla watüjaainjatüin saaʼu tü waaʼinrajatkat otta tü kasa nnojoluinjatkat waaʼinrüin.
AKÜJALAA 7
Wayuu meimmoluinsai
Shiiʼiyatüin wamüin tü nukuwaʼipakat Enoc eein süpüla maainjalain waya jaʼitainna saʼakain waya wayuu kaainjarannuu.
AKÜJALAA 8
Wayuu miyoʼuyuushaata
Aküjünüsü suluʼu Génesis kapiitulo 6 müliapuʼuin wayuu natuma na wayuu miyoʼuyuushaatakana. Nefilim münüshii nachonnii na aapiee ooʼulaakana naʼyataain chaa iipünaa süpüla wayuuyaain naya.
AKÜJALAA 9
Wanee anua miyoʼushaata
Oonooshi Noé nümaa Maleiwa mayaainjeʼe nnojoluin nanoujain na wayuukana sümaa tü münakat namüin.
AKÜJALAA 10
Wanee juya miyoʼushaata
Asirajapuʼusü wayuu nüka Noé, nnojoliipajaʼa naya asirajüin neʼrapa shiʼitüin tü juya miyoʼushaatakat. Aküjalaakat tüü süküjain jamakuwaʼipalüin süpüla katüin noʼu Noé, na nüpüshikana otta tü mürütkalüirua.
