PÁRTE 1
Kreasión guive Dilúvio peve
Moõguipa ou yvága ha Yvy? Mbaʼéichapa ojejapovaʼekue pe Kuarahy, Jasy, ha umi estrélla, ha avei opaite mbaʼe oĩva ko Yvy ape ári? La Biblia okontesta porã heʼívo Ñandejára ojapohague opa mbaʼe. Upévare, oñepyrũvo ñande lívro, omombeʼu umi istória oñeʼẽva kreasióngui oĩháicha la Bíbliape.
Ñaaprende iñepyrũrã Ñandejára ojapohague umi espíritu, umi persóna ojoguáva chupe. Umíva haʼevaʼekue umi ánhel. Péro ko Yvy ojejapovaʼekue ñandeichagua héntepe g̃uarã. Upévare Ñandejára ojapovaʼekue pe kuimbaʼe ha kuña hérava Adán ha Eva, ha omoĩ chupekuéra peteĩ hardín neporãvape. Péro haʼekuéra naiñeʼẽrendúi Ñandejárape ha upévare ojei chuguikuéra pe derécho oguerekovaʼekue oikove hag̃ua.
Adán ojejapo ypy guive pe Dilúvio guasu peve ohasa 1.656 áño. Upe tiémpope oikovaʼekue heta hénte iñañáva. Amo yvágape oĩ umi persóna ndaikatúiva jahecha, umi espíritu, Satanás ha umi ánhel aña. Ko Yvýpe katu oĩ Caín ha heta hénte iñañáva, ha umíva apytépe oĩ avei umi kuimbaʼe imbaretetereíva. Péro oĩ hénte hekoporãva avei ko Yvy ape ári... Abel, Enoc ha Noé. Ko Párte Número ÚNOPE jaleéta koʼãvagui ha umi mbaʼe oikovaʼekuégui.
KO PÁRTEPE
ISTÓRIA 1
Ñandejára oñepyrũ ojapo opa mbaʼe
Igustoiterei jalee lívro de Génesispe mbaʼéichapa Ñandejára ojapo vaʼekue opa mbaʼe, ha umi mitã jepe ikatu ontende ko istória.
ISTÓRIA 2
Peteĩ hardín iporãva
Ñandejára ojapo vaʼekue peteĩ lugár iporãitereíva hérava hardín de Edén. Haʼe oipota ko yvy kompletoitégui oiko peteĩ hardín upeichagua.
ISTÓRIA 3
Kuimbaʼe ha kuña oĩ ypy vaʼekue
Ñandejára ojapo vaʼekue Adán ha Évape ha omoĩ chupekuéra hardín de Edénpe. Haʼekuéra pe primera paréha oĩ vaʼekue ko yvy ape ári.
ISTÓRIA 4
Mbaʼérepa operde hikuái hogakuéra
Lívro de Génesis omombeʼu mbaʼéicha rupípa ojeperde rakaʼe pe paraíso.
ISTÓRIA 5
Oñepyrũ pe jeikove asy
Adán ha Eva heta iprovléma oñemosẽ rire pe hardín de Edéngui. Haʼekuéra ikatúta kuri oiko vyʼápe ifamíliandi ojapórire Ñandejára heʼíva.
ISTÓRIA 6
Peteĩ taʼýra ivuéno ha ótro iñaña
Caín ha Abel istória ñanepytyvõ jaikuaa hag̃ua mbaʼeichagua persóna vaʼerãpa ñande ha mbaʼépepa tekotevẽ ñakambia.
ISTÓRIA 7
Peteĩ kuimbaʼe ipyʼaguasúva
Enoc ehémplo ohechauka ikatuha jajapo iporãva, jaikóramo jepe heta hénte iñañáva apytépe.
ISTÓRIA 8
Higánte ko Yvy ape ári
Génesis kapítulo 6 omombeʼu yma oĩ hague higánte iñañáva, hérava Nefilim. Haʼekuéra hína umi ánhel rrevélde raʼy.
ISTÓRIA 9
Noé ojapo peteĩ árka
Noé ha ifamília ojesalva oúrõ guare pe Dilúvio pórke ojapo Ñandejára heʼíva, umi ótro hénte ndoikuaaséiramo jepe mbaʼeve Ñandejáragui.
ISTÓRIA 10
Peteĩ Dilúvio guasu
Umi hénte opuka vaʼekue Noére oavisárõ guare chupekuéra outaha pe Dilúvio, péro ndopukaiete oñepyrũrõ guare oky.
