ORUPA 1

Okuza kombutiro nga kOmupupo

Eyuru nehi vya za pi? Eyuva, omueze nozonyose na wina oviṋa ovingi kombanda yehi pe ya vi vi kare ko? Ombeibela i tu pa eziriro ekahu indu tji i tja vya memwa i Mukuru. Okutja embo retu ndi ri uta nomahungi wOmbeibela ohunga noviutwa.

Eṱe matu rihongo kutja oviutwa ovitenga vyaMukuru vya ri ovandu votutu twombepo tjimuna eye omuini. Ovandu mbo va ri ovaengeli. Posi yokutja ehi ra memenwa ovandu tjimuna eṱe. Okutja Mukuru wa ungura omurumendu nomukazendu vomana Adam na Eva ne ve twa motjikunino otjiwa. Nungwari owo kava ri nonḓuviro ku Mukuru nu va pandjara ouyara wokuhupa komurungu.

Avihe okuza kombutiro yaAdam nga kOmupupo omunene pa ri ozombura 1 656. Moruveze ndwi kwa ri ovandu ovengi ovavi. Meyuru mwa ri ozombepo ozohamunika, Satan novaengeli ve ovavi. Kombanda yehi kwa ri Kain novandu varwe ovavi novarumendu tjiva ovanamasa novahimise. Posi yokutja wina kwa ri ovandu ovawa kombanda yehi—Abel, Henok na Noa. MOrupa ORUTENGA matu lese ohunga novandu avehe mba novitjitwa vyawo.