PASET 1
Panamarsua Inggana ti Layus
Kasano a napaadda ti init, bulan ken dagiti bitbituen, agraman dagiti adu a bambanag ditoy daga? Ited ti Biblia ti pudno a sungbat. Pinarsua ida ti Dios. Gapuna mangrugi ti librotayo dagiti estoria ti Biblia maipapan ti panamarsua.
Immuna nga inaramid ti Dios dagiti anghel. Espirituda a persona kas kenkuana met laeng. Ngem ti daga naparsua nga agpaay kadagiti tattao kas kadatayo. Gapuna inaramid ti Dios ti lalaki ken babai nga agnagan Adan ken Eva, ket inkabilna ida iti napintas a hardin. Ngem nagsukirda iti Dios.
Manipud ken Adan inggana ti Layus ket 1,656 a tawtawen. Kabayatan daytoy a tiempo, nagbiag ti adu a dakes a tattao. Idiay langit ti yan ni Satanas ken dagiti dakes nga anghelna. Ditoy daga adda met ni Cain ken dadduma pay a dakes a tattao. Ngem adda met naimbag atattao—da Abel, Enoc ken Noe. Iti UMUNA a paset mabasatay amin dagitoy a tattao ken ti paspasamak.
ITI DAYTOY A SEKSION
ESTORIA 1
Ti Dios Nagparsua
Ti estoria ti Genesis maipapan iti panamarsua ket nalaka a maawatan ken makapabilib—uray kadagiti ubbing.
ESTORIA 2
Ti Napintas a Hardin
Sigun iti Genesis, inaramid ti Dios ti hardin ti Eden a maysa nga espesial a lugar. Kayat ti Dios nga agbalin met laeng a kasta kapintas a hardin ti intero a daga.
ESTORIA 3
Umuna a Lalaki ken Babai
Pinarsua ti Dios da Adan ken Eva ket pinagyanna ida iti hardin ti Eden. Isuda ti kaunaan a pagassawaan.
ESTORIA 4
Apay Napukawda ti Taengda
Ibaga kadatayo ti libro ti Biblia a Genesis no kasano a napukaw ti orihinal a paraiso.
ESTORIA 5
Nangrugi ti Kinarigat
Iti ruar ti Eden, adu dagiti problema da Adan ken Eva. No la koma nagtulnogda iti Dios, naragsak koma ti biagda ken dagiti annakda.
ESTORIA 6
Ti Naimbag nga Anak, ken ti Dakes
Nairekord iti Genesis ti estoria maipapan kada Cain ken Abel. Isuro dayta kadatayo no ania nga ugali ti masapul a maadda kadatayo ken no ania nga ugali ti masapul a balbaliwantayo sakbay pay a maudi ti amin.
ESTORIA 7
Ti Natured a Lalaki
Ipakita ti estoria ti biag ni Enoc a kayam ti agaramid iti naimbag uray dakes dagiti tattao iti aglawlawmo.
ESTORIA 8
Dagiti Higante iti Daga
Mabasatayo iti Genesis kapitulo 6 ti maipapan kadagiti higante a maaw-awagan Nefilim. Saksaktanda dagiti tattao. Annak ida dagiti dakes nga anghel a pimmanaw idiay langit ket nagbiag kas tao.
ESTORIA 9
Nagaramid Daong ni Noe
Nalasatan da Noe ken ti pamiliana ti Layus gapu ta sinurotda ti bilin ti Dios uray no saan a dimngeg ti dadduma.
ESTORIA 10
Ti Dakkel a Layus
Kinatkatawaan dagiti tattao ni Noe idi pakpakdaaranna ida. Ngem saandan a makakatawa idi nagtedted ti danum manipud iti tangatang! Ammuem no kasano a nakalasat da Noe, ti pamiliana ken ti adu nga animal iti tulong ti daong ni Noe.
