ABỌ 1
Emama ri te Owhe Na
Diẹse idhiwu gbe otọakpọ ino ze? Ẹvẹ ọre, ọvẹre gbe isi, avọ eware buobu nọ e rọ otọakpọ na e te rọ jọ? Ebaibol ọ kẹ uyo uzẹme nọ o rọ ta nọ Ọghẹnẹ, ọ ma rai. Fikiere obe mai o rehọ iku Ebaibol kpahe emama ro muhọ.
Ma wuhrẹ nọ emama ọsosuọ ọ Ọghẹnẹ, kọ ahwo ẹzi wọhọ oma riẹ. Enjẹle a jọ. Rekọ a ma otọakpọ na kẹ ahwo wọhọ omai. Fikiere Ọghẹnẹ o te ru ọzae avọ aye nọ a re se Adamu avọ Ivi o te fiai họ ogege nọ owoma gaga. Rekọ, a tẹ ghọẹmeeyo kẹ Ọghẹnẹ je ku uvẹ nọ a rọ ria uzuazọ kufiẹ.
Oma rai kpobi, ri no emama Adamu ri te owhe ologbo na, ikpe 1,656. Eva oke onana ahwo oyoma buobu a jariẹ. Eva obọ odhiwu ahwo ẹzi nọ a rẹ ruẹ hẹ, Setan avọ enjẹle iyoma riẹ, a jariẹ. Eva otoakpọ, Keni avọ ahwo oyoma buobu efa e jariẹ, te ahwo jọ nọ a wo ẹgba gaga. Rekọ ahwo iwoma ajọ atọakpọ re—Ebẹle, Enọk gbe Noa. Eva Abọ Avọ ỌSOSUỌ ma te jọ se kpahe ahwo ọnana kpobi gbe eware nọ e via.
ENỌ E RRỌ OFẸ NANA
IKUIGBE 1
Ọghẹnẹ Ote Mu Eware Họ Eruo
A rẹ sai wo otoriẹ iku emama nọ e rrọ obe Emuhọ na lọlọhọ yọ e rẹ were oma, makọ rọkẹ emaha na dede.
IKUIGBE AVỌ 2
Ogege Owowoma
Wọhọ epanọ o rrọ obe Emuhọ, Ọghẹnẹ o ma ọgbọ Idẹn oghẹrẹsa, Ọghẹnẹ ọ gwọlọ nọ akpọ na soso o re wo erru wọhọ ọgbọ Idẹn na.
IKUIGBE AVỌ 3
Ọzae Avọ Aye Ọsosuọ Na
Ọghẹnẹ ọ ma Adamu avọ Ivi je fi ai họ ọgbọ Idẹn. Aimava na họ ọzae avọ aye ọsosuọ nọ a ruọ orọo.
IKUIGBE AVỌ 4
Oware Nọ Osoriẹ Ze Nọ A Je Ku Uwou Rai Kufiẹ
Obe Emuhọ o vuẹ omai epanọ a ro ku aparadase ọsosuọ na fiẹ.
IKUIGBE AVỌ 5
Uzuazọ Ẹgaga U te Muhọ
Nọ Adamu avọ Ivi a no ọgbọ Idẹn no, a rẹriẹ ovao dhẹ ebẹbẹ buobu. O hae jọnọ a yoẹme kẹ Ọghẹnẹ, te ai te emọ rai a hai ti wo evawere.
IKUIGBE AVỌ 6
Ọmọ Owoma, Gbe Oyoma
Iku Keni avọ Ebẹle nọ e rrọ Ebaibol na i wuhrẹ omai oghẹrẹ ohwo nọ u fo nọ ma rẹ jọ—gbe uruemu nọ u fo nọ ma re nwene taure eware e tẹ te nya thọ.
IKUIGBE AVỌ 7
Ọzae Udu
Oriruo Enọk o dhesẹ nọ whọ rẹ sai ru oware uwoma o tẹ make rọnọ ahwo nọ a wariẹ owhẹ họ a bi ru eware iyoma.
IKUIGBE AVỌ 8
Egwara Eva Otọakpọ
Emuhọ 6 o ta kpahe egwara nọ e jẹ nwa ahwo oma. Egwara yena nọ a se Nẹfilim na a jọ emọ ikọ-odhiwu nọ i zihe oma ruọ ahwo-akpọ, enọ i no obọ odhiwu ze te rria otọakpọ na.
IKUIGBE AVỌ 9
Noa Ọ Bọ Ak
Noa avọ uviuwou riẹ a zọ evaọ okenọ Owhẹ na o ku keme a yoẹme kẹ Ọghẹnẹ dede nọ amọfa a jẹ rọwo gaviezọ họ.
IKUIGBE AVỌ 10
Owhe Ologbo Na
Ahwo a jẹ hwẹ Noa evaọ okenọ ọ jẹ vẹvẹ ai unu. Rekọ nọ oso na o muhọ ẹrọ no, a gbẹ jẹ sae hwẹ hẹ! Wuhrẹ epanọ Ak Noa o ro siwi uviuwou riẹ gbe erao buobu.
