DAW 1
Hpang Hpajang Ai Kaw Nna Shau-ing Ai Aten Du Hkra
Sumsing lamu hte ginding aga gara kaw na sa wa a ni? Ajan, Shata, Shagan ni hte ginding aga hta nga ai arai guji guyang mahkra gara hku byin sa wa a ni? Ndai ni hpe Karai Kasang hpan tawn ai re, nga nna Chyum Laika gaw teng man ai ga mahtai jaw da ai. Dai majaw anhte a Laika hta shawng nnan kaw nna, hpan hpajang da ai hte seng nna Chyum Laika maumwi ni lawm wa ai.
Shawng nnan e Karai Kasang hpan da ai gaw, Karai Kasang hte bung ai wenyi hkrang ni re. Lamu kasa ni rai ma ai. Raitimung ginding aga hpe chyawm gaw, anhte shinggyim masha ni a matu, hpan da ai. Dai majaw Adam hte Ewa ngu ai shinggyim lasha hte numsha hpe hpan nhtawm, tsawm la ai sun langai mi hta nga shangun tawn ai. Raitimung shan gaw Karai kasang a ga hpe n madat ma ai majaw, asak hkrung na lam hpe jasum kau ma ai.
Adam hpe hpan da ai aten kaw nna shau-ing ai aten du hkra, shaning 1656 na ai. Dai aten laman e, nhkru ai masha ni law law nga ma ai. Sumsing lamu hta, anhte a myi hte nmu lu ai wenyi hkum ni nga ma ai. Satan hte shi a nhkru ai lamu kasa ni rai ma ai. Ginding aga hta Ka-in hte bung ai nhkru ai masha ni law law nga ma ai. Masha ni hta grau nna n-gun atsam kaba ai ni mung nga ma ai. Raitimung ginding aga e, Abela, Enuk, Noa ni zawn re ai masha kaja ni mung nga ma ai. Daw LANGAI hta ndai masha ni a lam hte, ndai byin lai ai masa ni a lam anhte hti lu na re.
Ndai Pang Hta Lawm Ai Ni
MAUMWI 1
Arung Arai Ni hpe Karai kasang Galaw Hpang Ai
Ningpawt Ninghpang kaw na hpan da ai lam ni hpe grai kaji ai ma ni kaw na hkawt aloi sha lu hti nna chye na loi hkra ka da ai.
MAUMWI 2
Tsawm La Ai Sun Langai
Karai Kasang gaw grai laklai ai shara hta Edin sun hpe galaw wa ai ngu Ningpawt Ninghpang Laika hta tsun da ai. Karai Kasang gaw mungkan ting hpe dai sun zawn tsawm htap shangun mayu ai.
MAUMWI 3
Yawng A Shawng Na La Yan Num
Karai Kasang gaw Adam yan Ewa hpe hpan ngut ai hpang, Edin sun hta nga shangun ai. Shan gaw shawng nnan na yan la byin wa ai.
MAUMWI 4
Shan Hpa Majaw Dum Nta Nlu Mat Ai
Chyum Laika a Ningpawt Ninghpang hta, moi na hparadisu hpa majaw sum mat ai lam hpe tsun da ai.
MAUMWI 5
Ruyak Prat Hpang Ai
Edin sun a shinggan hta Adam yan Ewa gaw manghkang ni hte hkrum wa ai. Shan gaw Karai Kasang a ga madat na nga yang, shan a prat, ma ni a prat gaw grai ngwi pyaw nga na re.
MAUMWI 6
Myit Su Ai Ma Hte Nhkru Ai Ma
Ningpawt Ninghpang Laika hta lawm ai Ka-in hte Abela a maumwi gaw garai nhpang hkrat shi yang, myit hpe galai shai ra ai lam hte tinang gaw gara zawn masha byin ging ai lam hpe sharin ya ai.
MAUMWI 7
Magrau Grang Ai Masha Langai
Nkru ai masha ni law ai shara hta asak hkrung nga tim, jaw ai hpe galaw lu ai lam Enuk a nden marai gaw sakse madun nga ai.
MAUMWI 8
Ga Ntsa Na Masha Sha Lawa Ni
Ningpawt Ninghpang daw kaba 6 hta, shinggyim masha ni hpe dangsha ai masha sha lawa ni a lam hpe tsun da ai. Dai masha sha lawa ni hpe Nehpelim ngu shaga ai. Shanhte gaw lamu kasa ahkang aya hpe kau da nna shinggyim masha hku asak sa hkrung ai ni a kasha ni re.
MAUMWI 9
Noa Sanghpaw Li Langai Mi Shachyaw Ai
Noa hte shi dinghku gaw Karai Kasang a ga hpe kaga masha ni n madat tim, shanhte madat wa ai majaw hka sha-u ing ai kaw na lawt wa ai.
MAUMWI 10
Shau-Ing Ai Hka Kaba
Noa sadi jaw ai shiga hpe masha ni jahpoi asawng ma ai. Hka sha-u ing na matu sumsing lamu kaw na marang htu wa ai shaloi shanhte n lu jahpoi mat sai! Noa gap wa ai sanghpaw li gaw Noa, shi a dinghku hte dusat dumyeng law law hpe hkye la wa ai lam hpe hkaja yu u.
