NDAMBU YA 1
Banda Kugangama tii na Mvula ya Ngolo
Zulu na ntoto kukatukaka na wapi? Inki mutindu ntangu, ngonda, bambwetete, mpi bima yonso mingi ya kele na ntoto kubasikaka? Bible ketuba nde Nzambi gangaka bima yina yonso. Yau yina mukanda na beto keyantika na bankenda ya Bible ya ketubila lugangu.
Bigangwa ya ntete ya Nzambi kele bigangwa ya kimpeve yina mefwanana ti yandi. Bau kele bawanzyo. Kansi Nzambi salaka ntoto sambu na beto. Yandi gangaka Adami na Eva mpi yandi tulaka bau na masamba ya kitoko. Kansi bau kolamaka na Nzambi mpi bau vandaka dyaka ve ti nswa ya kuzinga.
Yantika lugangu ya Adami tii na Mvula ya ngolo, bamvula 1656 kulutaka. Bantu ya mbi mingi basikaka na ntangu yina. Na zulu, Satana na bawanzyo na yandi ya mbi vandaka. Na ntoto, Kaina na bantu yankaka mingi ya mbi vandaka, na kati na bau bakafumba ya bantu ya ngolo mingi. Kansi, bantu ya mbote mpi vandaka, bonso Abel, Henock na Noé. Na Ndambu ya NTETE, beto tatubila mambu ya metala bantu yai mpi mambu ya kusalamaka na ntangu yina.
NA KITINI YAI
NKENDA YA 1
Nzambi Me Yantika na Kuganga
Disolo ya lugangu ya kele na mukanda ya Kuyantika kele kitoko mpi mpasi ve na kubakisa, ata sambu na bana ya fioti.
NKENDA YA 2
Kilanga ya Kitoko
Mukanda ya Kuyantika ke tuba nde Nzambi salaka kilanga ya Edeni kisika mosi ya kitoko. Nzambi ke zola nde ntoto ya mvimba kuvanda bonso kilanga yina ya kitoko.
NKENDA YA 3
Adamu na Eva
Nzambi salaka Adami ti Eva mpi tulaka bo na kilanga ya Edeni. Bo vandaka bantu ya ntete yina kwelaka.
NKENDA YA 4
Bau Me Kulama na Kilanga ya Eden
Mukanda ya Kuyantika ke songa beto mutindu paladisu ya ntete vilaka.
NKENDA YA 5
Luzingu ya Mpasi Me Yantika
Na nganda ya kilanga ya Edeni, Adami ti Eva kutanaka ti bampasi mingi. Kana bo lemfukilaka Nzambi, luzingu na bo mpi ya bana na bo zolaka kuvanda ya kiese.
NKENDA YA 6
Mwana ya Mbote na Mwana ya Imbi
Disolo ya Kaini na Abele, mutindu bo me sonikaka yo na mukanda ya Kuyantika, ke songa beto mutindu ya bantu yina beto fwete vanda mpi nki bikalulu beto fwete soba na ntwala nde yo kuma nsukinina.
NKENDA YA 7
Bakala ya Kikesa
Mbandu ya Enoki ke monisa nde beto lenda sala mambu ya mbote, ata bantu ya beto ke zinga ti bo ke sala mambu ya mbi.
NKENDA YA 8
Bakafumba ya Bantu na Ntoto
Kuyantika kapu 6 ke tela beto disolo ya bantu ya mubulu yina vandaka kuniokula bantu. Bantu yina ya mubulu, ya bo vandaka kubinga Banefilime, vandaka bana ya bawanzio ya kolamaka yina bikaka zulu mpi kwisaka kuzinga na ntoto bonso bantu.
NKENDA YA 9
Noé Ke Tunga Maswa
Noa ti dibuta na yandi gulukaka na Mvula ya Ngolo sambu bo lemfukilaka Nzambi ata bantu ya nkaka buyaka kuwa.
NKENDA YA 10
Mvula ya Ngolo ya Bilumbu ya Noé
Bantu vandaka kuseka Noa ntangu yandi vandaka kukebisa bo. Kansi bo vandaka kuseka ve ntangu masa ya mvula ya ngolo vandaka kukulumuka na ntoto! Longuka mutindu maswa ya Noa gulusaka Noa, dibuta na yandi, mpi bambisi mingi.
