Immikkoortoq 1
Pinngortitsinermiit ulersuup tungaanut
Qilaat nunalu sumit pippat? Seqineq, qaammat ullorissallu, nunamiittullu amerlangaartut, qanoq pinngorpat? Biibili ilumoortumik akissuteqarpoq allassimammat Guutimit pinngortitaasut. Taamaattumik atuagaatitta aallaqqaatigai pinngortitsineq pillugu Biibilimi oqaluttuat.
Guutip pinngortitai siulliit anersaajupput, soorlu Guuti nammineq anersaajusoq. Inngiliupput. Nunali inunnut pinngortitaavoq. Taamaattumik Guutip angut arnarlu Adamimik Evamillu atillit pinngortippai naatsiivimmullu alianaatsumut inissillugit. Guutimulli naalanngillat naassaanngitsumillu inuusinnaajunnaarsitaallutik.
Adamip pinngortinneqarneraniit ulersuup tungaanut ukiut 1656-iupput. Ukiut tamakkua ingerlanerini inuit ajortut amerlaqaat. Qilammi anersaaqarpoq takussaanngitsunik, tassa Satan inngilipiluilu. Nunamiipput Kain inuillu ajortut allarpassuit, aammattaaq angutit qaqutigoorluinnartumik nukittuut. Aammattaarli nunami ajunngitsunik inoqarpoq — Abel, Enok Noalu. IMMIKKOORTOQ 1-imi inuit pisimasullu taakku tamaasa pillugit atuassaagut.
IMMIKKOORTUMI UANI
OQALUTTUAQ 1
Guuti pinngortitsilersoq
Mosesimik allakkani siullerni pinngortitsinermik oqaluttuaq paasiuminarlunilu alutornarpoq – allaat meeqqanut mikisunut.
OQALUTTUAQ 2
Naatsiivik alianaatsoq
Mosesimik allakkat siulliit malillugit Guutip Edeni immikkuullarissunngortippaa. Nunarsuaq tamaat naatsiivinngussasoq kusanartoq Guutip kissaatigaa.
OQALUTTUAQ 3
Angut arnarlu siulliit
Guutip Adami Evalu pinngortippai naatsiivimmullu Edenimut inissillugit. Aappariinni siullersanngorput.
OQALUTTUAQ 4
Sooq angerlarsimaffitsik annaagaat
Paratiisip annaaneqarnera Biibilip atuagartaani Mosesimik allakkani siullerni allaaserineqarpoq.
OQALUTTUAQ 5
Naalliunnartunngortoq
Edenip naatsiiviata avataani Adami Evalu ajornartorsiuterpassuaqarput. Ilumut Guutimut naalassimagaluarunik inuunerminni meeqqatillu nuannaarsimassagaluarput.
OQALUTTUAQ 6
Ernerit ajunngitsoq ajortorlu
Kainimik Abelimillu oqaluttuanit, Mosesimik allakkani siullerni allanneqartunit, paasivarput inuttut qanoq ittuusariaqartugut kingusinaannginnermilu pissusit sorliit allanngortittariaqarivut.
OQALUTTUAQ 7
Angut sapiitsoq
Inuit eqqanniittut ajortulioraluarpataluunniit illit ajunngitsuliorsinnaasutit Enokip maligassiaanit erserpoq.
OQALUTTUAQ 8
Nunami inorujussuit
Mosesimik allakkat siulliit kapitali 6-imi inorujussuit inunnik allanik ajoqusiisartut oqaluttuarineqarput. Inorujussuit taakku, nefiliminik taaneqartartut, inngilinit qilammiikkunnaarlutik tunussillutik inuttut ilersunit qitornaapput.
OQALUTTUAQ 9
Noa umiarsualiorpoq
Allat mianersoqquneqaraluarlutik tusarnaanngikkaluartut Noa ilaquttanilu Guutimut naalakkamik ulersuarmi aniguipput.
OQALUTTUAQ 10
Ulersuaq
Noap mianersoqqusinera inuit illaatigaat. Qilammiilli siallilermat illangaanngillat! Noa, ilaqutai uumasorpassuillu umiarsuarmi qanoq annaanneqarsimanersut paasiniaruk.
