KUNKU KIA 1
Tuka Nsema Yakuna Kizalu
Ezulu ye ntoto akweyi watuka? E ntangwa, ngonde, ntetembwa ye lekwa ya mpila mu mpila ina ova ntoto aweyi yakadila? Nkand’a Nzambi uvananga mvutu za kieleka vo Nzambi wavanga yo. Ozevo, o nkanda wau uyantik’o songa tusansu twa Nkand’a Nzambi mu kuma kia nsema.
E vangwa yantete kavang’o Nzambi ya mianda, ina nze yandi. Ambasi. Kansi wavanga e nza kimana yazingilwa kwa wantu nze yeto. Nzambi wavanga eyakala yo nkento antete, wabavana nkumbu vo Adami yo Eva. Wabasia muna mpatu ambote. Kansi, bakolamena Nzambi yo vidisa zingu kiau.
Tuka kiasemenwa Adami yakuna Kizalu Kiampwena mvu 1.656 miavioka. Yimpumbulu yayingi yakala muna kolo kiokio. O Satana wa vangwa kiamwanda ulembi moneka y’ambasi zandi zambi kun’ezulu bazingilanga. Ova ntoto, Kaini wakala vo ye ulolo wa wantu akaka ambi, kumosi ye wan’a mbasi. Kansi, vakala mpe yo wantu ambote nze, Abele, Kanoke, yo Noa. Tulongoka mawonso ma wantu awaya ye mana mababwila mu Kunku kiaki KIANTETE.
MU KUNKU KIAKI
LUSANSU LWA 1
Nzambi Oyantikidi Vanga e Lekwa
O lusansu luna muna nkand’a Tuku mu kuma kia nsema ke lwampasi ko mu bakula ye lwasivi kikilu—kana nkutu kwa yindende.
LUSANSU LWA 2
Mpatu Ambote
Landila nkand’a Tuku, Nzambi wavanga mpatu a Edene se fulu kiambote-mbote. Nzambi ozolele vo o ntoto wakituka nze fulu kiakina kiambote-mbote.
LUSANSU LWA 3
Yakala yo Nkento Antete
Nzambi wavanga Adami yo Eva yo kubasia muna mpatu ya Edene. Yau i akazi antete.
LUSANSU LWA 4
Ekuma Bavaikisilwa Muna Paradiso?
O nkand’a Tuku ukutuzayisanga e kuma e paradiso yavidila.
LUSANSU LWA 5
Zingu kia Mpasi Kiyantikidi
Kuna mbazi a mpatu a Edene, Adami yo Eva mpasi zayingi bawanana zau. Kele vo balemvokela Nzambi, oyau yo wan’au zingu kiambote badi kala kiau.
LUSANSU LWA 6
Mwana Ambote ye Wambi
O lusansu lwa Kaini yo Abele lwasonama muna nkand’a Tuku lukutulonganga e mpila wantu tufwete kala ye fu tufwete venga vitila twabwa mu sumbula.
LUSANSU LWA 7
Nkwa Unkabu
E mbandu a Kanoke isonganga vo olenda vanga mambu mambote kana nkutu wantu awonso bazungidi bevanganga mambu mambi.
LUSANSU LWA 8
Andangula ova Ntoto
Tuku kapu kia 6 kivovelanga andangula ana bawandanga wantu. Andangula bayikilwanga vo Anefili, wan’a mbasi bakala, ana basumuka basisa e zulu yo kwiza ova ntoto nze wantu.
LUSANSU LWA 9
Noa Otungidi e Nzaza
Noa ye esi nzo andi bavuluzwa muna kizalu kadi balemvokela Nzambi, kanele vo o wantu ke bakwikila muna mvovo miau ko.
LUSANSU LWA 10
Kizalu Kiampwena
Wantu basevanga nsangu za lulukisu Noa kasamunanga. Kansi vava kizalu kiayantika, ke basevanga diaka ko! Zaya una nzaza yavuluzila Noa, esi nzo andi ye bulu.
