KIPINDI 1
Bupangi Kutūla ku Dilobe
Diulu ne ntanda byātambile kwepi? Lelo dyuba, kweji ne ñenyenye, pamo ne bintu bikwabo bivule bidi pano pa ntanda, byāikele’ko muswelo’ka? Bible uleta malondololo a bine panena’mba byāpangilwe na Leza. O mwanda dino dibuku dyetu dishilula na mānga ya bupangi.
Tukamona’mba bipangwa bibajinji byāpangilwe na Leza i bantu ba ku mushipiditu bamwifwene. Bano bantu i bamwikeulu. Ino, ntanda yāpangīlwe batwe bantu. Leza wābumbile mwana-mulume ne mwana-mukaji, majina abo i ba Adama ne Eva, kupwa wēbatūla mu budimi bulumbuluke. Ino bāpela kukōkela Leza, penepo bājimija dyese dya kwikala nyeke na būmi.
Tamba kitatyi kyāpangilwe Adama kutūla ne ku Dilobe dikatampe, pāpityile myaka 1 656. Umbula bwa kino kitatyi, kwādi bantu babi bavule. Mu madiulu mwādi bantu babi ba ku mushipiditu, boketukokejapo kumona na meso, i Satana ne bademona bandi. Pano pa ntanda napo, pādi Kena ne bantu bakwabo babi, kubadila’mo ne batumpangala. Inoko kwādi kadi ne bantu bayampe pano pa ntanda—Abele, Enoke ne Noa. Mu KIPINDI 1 tukatanga’mo myanda ya bano bantu bonso ne myanda mikatampe yālongekele.
MU KINO KIPINDI
MĀNGA 1
Leza Washilula Kupanga Bintu
Mānga ya bupangi ya mu Ngalwilo ipēlanga kwivwana kadi isangaja mpata—nansha ke bana batyetye bene.
MĀNGA YA 2
Budimi Bulumbuluke
Mungya binena mukanda wa Ngalwilo, Leza wālongele Edena bu kifuko kishile na byonso. Leza usaka ntanda yonso ikale pamo bwa buno budimi bulumbuluke.
MĀNGA YA 3
Ba Mwana-Mulume ne Mwana-Mukaji Babajinji
Leza wāpangile ba Adama ne Eva wēbatūla mu budimi bwa Edena. Abo bo ba mulume ne mukaji babajinji.
MĀNGA YA 4
Mwanda Waka Bājimije Kīkalo Kyabo
Mukanda wa Ngalwilo witulombola mwājiminine paladisa imbajinji.
MĀNGA YA 5
Būmi bwa Masusu Bubashilula
Ba Adama ne Eva bātenwe na makambakano mavule panja pa Edena. Shi bākokele, longa abo ne babo bana bene bādi na būmi bwa nsangaji.
MĀNGA YA 6
Mwana Muyampe ne Mwana Mubi
Mānga ya ba Kaini ne Abele ilembelwe mu mukanda wa Ngalwilo itufundija motufwaninwe kwikadila ne ngikadila mibi ya kushinta pokebyafikile kubi.
MĀNGA YA 7
Muntu Mukankamane
Kimfwa kya Enoke kilombola’mba nobe ukokeja kulonga biyampe nansha shi bantu bomwikele nabo balonga bibi.
MĀNGA YA 8
Batumpangala Pano pa Ntanda
Ngalwilo shapita 6 ulombola myanda ya batumpangala bādi basanshija bantu. Bano batumpangala, betwa bu Banefilime, bādi bana ba bamwikeulu bātūkile panshi bāikala bu bantu.
MĀNGA YA 9
Noa Waūbaka Safini
Noa ne kisaka kyandi bāpandile pa Dilobe mwanda bākōkele Leza nansha bantu byobādi bapela kwivwana.
MĀNGA YA 10
Dilobe Dikatampe
Bantu bādi basepa musapu wa kidyumu wādi wibasapwila Noa. Ino kebādipo bakisepa pādi papunguluka mema a dilobe mūlu! Wifunde safini mwaāpandijije Noa, kisaka kyandi, ne banyema bavule.
