CHIBALU 1

Kutachika kwaKuleña Nakushika nikuDibaji

Indi maseki nimawulu afumini kudihi? Indi itañwa, nikakweji nitutumbwa niyuma yikwawu yayivulu yekala hamaseki, yekaliliku ñahi? Bayibolu yahanaña kwakula kwalala hakuhosha nawu, ayileñeli kudi Nzambi. Dichi, mukanda wetu wunatachiki nampanji jamuBayibolu jayileñaleña.

Tweluka netu yileñaleña yaNzambi yatachi yadiña hiyantu akuspiritu adifwanaku chanti nayena. Adiña añelu. Ilaña iseki adileñeleli antu adi neyi etu. Dichi Nzambi waleñeli niiyala nimumbanda hakuyitumba majina nindi Adama niEvu, hakuyinka mwitempa dadiwahi. Ilaña hiyamwovwahilili Nzambiku, chafuminimu ajimbesheli wuswa wawu wakuhanda.

Kufuma hamuleñeliwu Adama nakushika haDibaji, mwahitili yaaka 1,656 kuyibomba hamu. Haniyi mpinji kwadiña antu atama amavulu. Mwiwulu mwadiña antu akamonewaña akuspiritu, Satana niañelu jindi atama. Hamaseki, hadiña Kena niantu amakwawu atama, kubombelahu tuhu niantu aswejeli ñovu. Ilaña kwadiña cheñi antu amawahi hamaseki—Abeli, niEnoki niNowa. MuChibalu CHATACHI tukutaña hadawa antu ejima niyuma yamwekeni.