KʼLOJ 1
Ntzaj tiʼj bʼinchbʼen, npon tiʼj Nim Jbʼal
¿Jatumel e tzaja kyaʼj ex Txʼotxʼ? ¿Tzeʼn bʼenta Qʼij, Xjaw ex qeʼ cheʼw, ex tkyaqil tiʼchaq at twitz Txʼotxʼ? Ntzaj tqʼoʼn Xjan Uʼj axix tzaqʼwebʼil, ntqʼamaʼn qa tkyaqil bʼaj tbʼinchaʼn Dios. Tuʼntzunjo, aju quʼj lu nyolen kyiʼj txʼolbʼabʼil ateʼkux toj Tyol Dios, aju nyolin tiʼj tbʼinchbʼen.
Nel qnikʼ qa aqejo tnejel tbʼinchbʼen Dios xjal xewbʼajqeʼ, ik kyxmilal ik tzeʼnj te. Anjelqetoq. Atzun te Txʼotxʼ kubʼ bʼinchaʼn tuʼn kynajan xjal twitz ik tzeʼnqoʼ. Tuʼntzunju, kubʼ tbʼinchaʼn Dios xinaq, mo ichin, aju Adán tbʼi ex xuʼj, mo qya, aju Eva tbʼi, e kubʼ tqʼoʼn tuj jun tbʼanel najbʼil. Tuʼnjo el kyikʼon tkawbʼil Dios xi kynajsaʼn kyanqʼibʼil te jun majx.
Atxex tej tkubʼ bʼinchaʼn Adán ex nponbʼaj tiʼj Nim Jbʼal, xe tiʼn 1.656 abʼqʼi. Tuj tkyaqil ambʼil lu e anqʼin nim xjal mya bʼaʼn. Tzmax toj kyaʼj attoq Satanás kyukʼe mya bʼaʼn t-anjel. Atzen twitz Txʼotxʼ ten Caín ex txqantl mya bʼaʼn xjal, kyxol kykyaqil jlu e ten junjuntl xjal nimaqqeʼ ex nim kyipumal. Ax ikx e ten tbʼanel xjal twitz Txʼotxʼ, ik seʼn Abel, Enoc ex Noé. Toj TNEJIL Kʼloj txʼolbʼabʼil, qo xnaqʼtzal kyiʼj xjal lu ex tiʼ tzaj tuj kyanqʼibʼil.
TOJ KʼLOJ XNAQʼTZBʼIL LU
TXʼOLBʼABʼIL 1
Kubʼ tbʼinchan Dios tkyaqil
Axpe ikx qe tal kʼwaʼl jaku che tzalaj ex jaku tzʼel kynikʼ tiʼj txʼolbʼabʼil in yolin Génesis tiʼj.
TXʼOLBʼABʼIL 2
Jun tbʼanel najbʼil
In tzaj tqʼamaʼn uʼj te Génesis qa kubʼ tbʼinchaʼn Dios jun tbʼanel najbʼil toj Edén. Taj Dios tuʼn tok tkyaqil twitz Txʼotxʼ ik tzeʼn tbʼanel najbʼil aju.
TXʼOLBʼABʼIL 3
Ntzyet kyanqʼibʼil xjal
E kubʼ tbʼinchaʼn Dios Adán tukʼe Eva ex e kubʼ tqʼoʼn toj tbʼanel najbʼil te Edén. Aʼyetzun tnejel xjaljo e kubʼ mojeʼ.
TXʼOLBʼABʼIL 4
¿Tzeʼn naj kynajbʼil?
Aju uʼj te Génesis in tzaj tqʼamaʼn alkye tten xi naj aju tbʼanel najbʼil ten tnejelku.
TXʼOLBʼABʼIL 5
Ntzyet jun anqʼibʼil kwest
Tiʼjxi tbʼanel najbʼil te Edén, tzaj nim nya kyiʼj Adán tukʼe Eva. Naqwit okx kybʼiʼn Dios, owtle che tzalaj kyukʼex kykʼwaʼl.
TXʼOLBʼABʼIL 6
Jun kʼwaʼl bʼaʼn ex jun nya bʼaʼn
Aju txʼolbʼabʼil tkuʼx toj uʼj te Génesis tiʼj Caín ex Abel, in tzaj tyekʼun qe alkyexix wiq xjal tuʼn qok ex alkye qmod nyaxix bʼaʼn il tiʼj tuʼn tkubʼ qchʼixpuʼn akux atx ambʼil.
TXʼOLBʼABʼIL 7
Mitiʼ tzaj xobʼ jun xjal
Aju techel kyaj tqʼoʼn Enoc in tzaj tyekʼun qe qa jaku bʼant aju bʼaʼn quʼn kyxol qe xjal nya bʼaʼn in che anqʼin qtxlaj.
TXʼOLBʼABʼIL 8
Nimaq xjal twitz Txʼotxʼ
In tzaj tqʼama capítulo 6 te Génesis qa in noktaq kybʼinchaʼn nimaq xjal nya bʼaʼn kyiʼj xjal. Aʼyeqe nimaq xjal lu, toktaq kybʼi te nefilim, kʼwaʼlqetaq anjel kyaj kytzaqpiʼn kynajbʼil toj kyaʼj ex e ok ik tzeʼn qe xjal.
TXʼOLBʼABʼIL 9
Bʼent jun ark tuʼn Noé
Kyaj anqʼin Noé kyukʼex toj tja tuʼnjo e bʼiʼn te Dios inchaq aʼyeqe txqantl xjal mitiʼ e bʼiʼn te Dios.
TXʼOLBʼABʼIL 10
Nimxix Jbʼal
In che tzeʼntaq xjal tiʼj Noé, naqtzen tuʼnj, mitiʼtl e tzeʼn tej tkubʼ chitj nim jbʼal. Aju txʼolbʼabʼil lu in tzaj tchikʼbʼaʼn alkye tten klet Noé kyukʼex toj tja ex nimku txkupʼ tuʼn ark.
