PIPI BABGÃ
Naanegã sɩngr n tãag sa-kãsengã niibu
Yaa ãnd n naan saasã la tẽngã? Ãnd n naan wĩntoogã, kiuugã, ãdsã la bũmb nins fãa sẽn be tẽngã zugã? Biiblã yetame tɩ yaa Wẽnnaam. La a sẽn yetã sɩd yaa sɩda. Seb-kãngã pʋgẽ, b na n deng n goma Wẽnnaam sẽn sɩng bũmba fãa naanegã yelle.
Wẽnnaam naana malɛgsã pipi. B bee ne yẽ saasẽ. A naana tẽngã n kõ ninsaalbã. A naana pag ne raoa n ning-b zĩig sẽn yaa neer wʋsg pʋgẽ. Raoã yʋʋr la a Ãdem tɩ pagã yʋʋr yaa a Hawa. La a Ãdem ne a Hawa kɩɩsa Wẽnnaam noor tɩ Wẽnnaam yeel-b tɩ b na n kiime.
A Ãdem naanegã tɛk n tãag sa-kãsengã niib yaa yʋʋm tusr la kobs yoobe la pis-nu la a yoobe. Yʋʋm-kãensa fãa pʋgẽ, nin-wẽns wʋsg n zĩndi. Saasẽ wã, yaa a Sʋɩtãan ne a malɛg-wẽnsã n da be be. Tẽngã zugu, nin-wẽns me n da be. Wala makre, a Kayẽ ra yaa nin-wẽnga, nin-wobd sẽn da tar pãng wʋsg me n da be n yaa nin-wẽnse. La nin-sõma me n da be tẽngã zugu. Wala makre, a Abɛll, a Enok la a Nowe. Pipi babgã pʋgẽ, d na n goma nin-kãensã fãa yelle.
BAB-KÃNGÃ PƲGẼ
KIBAR A 2
Zĩ-neere
Sẽn zemse ne Sɩngr sebrã Wẽnnaam maana Edɛn zẽedã t’a yaa toor fasɩ. Wẽnnaam da ratame tɩ tẽngã fãa yɩ wa zĩ-neer kangã.
KIBAR A 3
A Ãdem ne a Hawa
Wẽnnaam naana a Ãdem ne Hawa n ning Edɛn zẽedẽ wã. Bãmb n yɩ pipi rao ne pag sẽn kẽ kãadem.
KIBAR A 5
B vɩɩmã lebga toogo
A Ãdem ne a Hawa sẽn yi Edɛnnã b paama zu-loees wʋsgo. B sã da sak Wennaam, bamb ne b kambã vɩɩma ra na yɩɩ noogo.
KIBAR A 6
Bi-sõng ne bi-yoogo
A Kayẽ ne a Abɛll kibay b sẽn gʋls Sɩngr sebrã pʋgẽ wã wilgda tõnd d sẽn segd n yɩ ned ning buudu, la tags kẽer tõnd sẽn segd n toeem tao-tao.
KIBAR A 7
Rao sẽn pa rabɛɛma
A Enok kibara wilgdame tɩ yamb me tõe n maana sẽn yaa sõma, baa yãmb sẽn beẽ wã nebã fãa la bal sã n maanda sẽn yaa wẽnga.
KIBAR A 8
Nin-wobd n be tẽngã zugu
Sɩngr sak a 6
gomda nin-wobd sẽn da maand nebã pãng yelle. Nin-wobdã b sẽn da boond tɩ Nefilim-dãmbã, yaa malɛgs nins sẽn bas b zĩis saasẽ n sig tẽngã zugã kamba.
KIBAR A 9
A Nowe kaa koom koglgo
A Nowe ne a zakã rãmb põsa sa-kãseng sasa, bala b saka Wẽnnaam, baa neb a taabã sẽÞn pa sakã.
KIBAR 10
Sa-kãsengã
A Nowe sẽn keoog nebã, b yaal-a lame. La sa-kãsengã sẽn sɩng kiigrã, b ra pa le laad ye! Bao-y n bãng-y koglgã sẽn fãag a Nowe ne a zakã rãmb n paas rũms wʋsg to-to.
