POAT #1
Von dan, aus Gott aules muak, bat de groote Äwaschwamunk
Wua komen de Himmel un de Ieed häa? Un de Sonn, de Mon, de Stierns un uk aules, waut daut oppe Ieed jeft? Soo aus daut enne Bibel sajcht, haft Gott daut aules jemoakt. Un doavon vetalen de ieeschte Jeschichten en dit Buak.
Daut ieeschte muak Gott Jeista, waut am likjnen deeden. Daut wieren de Enjel. Dan muak hee de Ieed fa ons Menschen. Gott muak eenen Maunsmensch un een Frumensch un sad dee en eenen wundascheenen Goaden nenn. Daut wieren Adam un Eva. Wiels dee Gott oba nich jehorchen deeden, musten dee stoawen.
Von dan, aus Gott Adam muak, bat de groote Äwaschwamunk wieren daut 1 656 Joa. En dee Tiet jeef daut väle, waut bees jesonnen wieren. Em Himmel wieren daut Soton un siene beese Enjel; daut sent Jeista, dee kaun eena nich seenen. Un oppe Ieed wieren daut Kain un noch väle aundre beese Menschen. Eenje von dee wieren butajeweenlich stoakj. Oba daut jeef uk goode Menschen, soo aus Abel, Henoch un Noah. Von aul dit woa wie en daut ieeschte Poat von dit Buak läsen.
EN DIT POAT
JESCHICHT #1
Daut ieeschte, waut Gott muak
De Jeschicht, woo Gott aules muak, es mau rajcht fa kjliene Kjinja sea intressaunt un leicht to vestonen.
JESCHICHT #2
Een wundascheena Goaden
No 1. Mose no muak Gott dän Goaden Eden besonda schmock. Gott well haben, de gaunze Ieed saul soo schmock woaren, aus dis Goaden wia.
JESCHICHT #3
De ieeschte Menschen
Gott muak Adam un Eva un sad dee em Goaden Eden nenn. Daut wieren de ieeschte Ehelied.
JESCHICHT #4
See velieren äa Tus
En daut Bibelbuak 1. Mose kjenn wie läsen, woo daut Paradies em Goaden Eden tonuscht jinkj.
JESCHICHT #5
Een schwoaret Läwen fangt aun
Adam un Eva hauden daut sea schwoa, aus see ieescht nich mea em Goaden Eden wieren. Wan see jehorcht hauden, haud an un äare Kjinja daut kunt sea scheen gonen.
JESCHICHT #6
Een gooda un een schlajchta Sän
De Jeschicht von Kain un Abel, waut en 1. Mose es, wiest ons, waut wie sellen fa Menschen sennen un woo wie nich sennen sellen.
JESCHICHT #7
Een forchtloosa Maun
Aun Henoch sien Biespel es to seenen, daut eena uk kaun goodet doonen, wan aundre uk schlajcht sent.
JESCHICHT #8
Riesen oppe Ieed
En 1. Mose, Kapitel 6 rät daut von Riesen, waut de Menschen tualeiden deeden. Daut wieren de Nokomen von de beese Enjel, waut vom Himmel raufkjeemen.
JESCHICHT #9
De Noahkausten
Noah un siene Famielje äwaläwden de Äwaschwamunk, wiels dee Gott jehorchten, wan aundre daut uk nich deeden.
JESCHICHT #10
De groote Äwaschwamunk
De Menschen lachten, aus Noah an woarnd. Oba aus daut ieescht räajend, hieed sikj daut opp. See, woo Noah siene Famielje un de Tieren äwaläwden.
