Juk kaq tanta

Qallariymantapacha jatun parakama

¿Imaynatá janaqpacha kay pacha ima rikhurinku? ¿Imaynatá Inti, Killa, chʼaskakuna, Jallpʼa ima, ruwakurqa? Bibliaqa kay tapuykunaman, Diosninchik tukuy imata ruwarqa, nispa kutichiwanchik. Chayrayku kay librituqa, Diosninchik ruwasqanmanta willarispa qallarin.

Imaynatachus Diosninchik qallariypi payman rikchʼakuq angelkunata ruwasqanta yachakusunchik. Chantapis imaynatachus Jallpʼata runapaq ruwasqanta. Jinamanta Diosninchik Adanta Evatawan paraíso Jallpʼapi tiyakunankupaq churarqa. Paykunaqa mana Diosta kasukusqankurayku wañurqanku.

Adanta Diosninchik ruwasqanmantapacha, Jatun Parakama 1.656 watakuna ruwakun. Chay tiempopiqa saqra runakuna tiyakurqanku. Janaqpachapi Kuraq Supay angelesninwan tiyakuchkarqa. Jallpʼapitaq Caín wak saqra runakuna ima kachkarqanku, paykunawantaq may atiyniyuq jatuchaq saqra runakuna karqanku. Chaywanpis kʼacha runakuna Jallpʼapi kallarqankutaq... paykunaqa Abel, Enoc, Noé ima, karqanku. Kay JUK kaq tantapi tukuy paykunamanta ñawirisunchik.