PUNTA KAQ PARTE
Unanchasqamanta sinchi Parakama
¿Pitaq cielotawan kay allpataqa unancharqa? ¿Pitaq Intita, Killata hinaspa lucerokunata unancharqa, chaymanta kay Allpapi tukuy imakunatawan? Bibliaqa allintam kutichin tukuy imapas Diospa unanchasqanmi, nispa. Chayrayku libronchikqa qallarin Bibliapi pasaq tiempopi tukuy imapas unanchakusqanmanta willaspa.
Yachanchikmi puntapi Diospa unanchasqankunaqa payman rikchakuq kawsaq espiritukunam karqa. Angelkunam karqaku. Allpam ichaqa unanchasqa karqa llapallan runakunapaq. Chaynapim Diosqa qaritawan warmita rurarqa Adan hinaspa Eva sutiyoqta, hinaspa sumaq huertapim paykunata churaykurqa. Paykunam Diosta mana kasukuspanku wiñay kawsaytapas chinkarachirqaku.
Llapallanpiqa, Adan unanchasqa kasqanmanta sinchi Parakama 1.656 watakunam pasarqa. Chay watakunapiqa achkallaña mana allin ruraq runakunam kawsarqaku. Cielopipas tarikurqam mana rikuy atina Satanaswan mana allin angelninkuna. Allpapiñataqmi, tarikurqa Cain hinaspa achka mana allin runakuna, chaymantapas karqa mancharikunapaq hina kallpasapallaña runakuna. Allin ruraq runakunapas Allpapiqa tarikurqam... Abel, Enoc hinaspa Noey. Kay PUNTA kaq Partepim leesunchik chay runakunamanta hinaspa imakuna pasasqanmanta.
Unanchasqamanta sinchi Parakama1Unanchasqamanta sinchi Parakama | Bibliamanta willakuykunaJehova Dios Adanta unanchasqanmantam 1.656 watakuna pasarqa sinchi para chayamunankama. ¿Imataq pasakurqa chay watakunapiqa?unanchasqa, bibliamanta willakuy, hanaq pacha, dios, runakuna, sinchi para, warmachakunapaq willakuykuna, warmachakuna, ñawpaq testamentomanta willakuykunaPUNTA KAQ PARTEUnanchasqamanta sinchi ParakamaUnanchasqamanta sinchi ParakamaBibliamanta kay willakuykunata leespaykim yachanki Adanta Dios unanchasqanmantapacha sinchi para chayamunankama 1.656 watakunapi imakuna pasakusqanmanta.Punta kaq parte, Unanchasqamanta sinchi ParakamaPunta kaq parte, Unanchasqamanta sinchi Parakama
KAYPI
1 KAQ WILLAKUY
Diosmi llapa imatapas qallarin
Kaypim warmakunaqa chaylla yachanqaku Genesis qillqapi Diospa unanchasqankunamanta willakuytaqa.
2 KAQ WILLAKUY
Sumaq huertamanta
Genesis qillqapim willakun Eden sutiyuq suma-sumaq huertata Dios unanchasqanmanta. Payqa munanmi lliw allpa pacha chayna suma-sumaq huerta kananta.
3 KAQ WILLAKUY
Runakunapa qallariynin
Diosmi Adantawan Evata unanchaspan Eden huertapi yachanankupaq churaykurqa. Paykunam punta casarakuq runakuna karqaku.
4 KAQ WILLAKUY
Qechurachikusqanku huertamanta
Genesis libropim willawanchik Eden huertapi sumaq kawsakuy imayna chinkarusqanmanta.
5 KAQ WILLAKUY
Sasa kawsay qallarisqanmanta
Adanwan Eva Eden huertapi manaña kaspankuqa sasachakuypim tarikurqaku. Diosta kasukuspankuqa kusisqam kawsakunmanku karqa.
6 KAQ WILLAKUY
Allin ruraq churimanta, mana allin ruraqmantapas
Genesis qillqapi Cainmantawan wawqin Abelmanta willakuywanmi yachachwan imayna runa kananchikmanta hinaspa ima mana allin ruwaykunata chaylla saqinanmanta.
7 KAQ WILLAKUY
Qarinchakuq runamanta
Runamasinkuna mana allinkunata ruwaptinkupas Enocpa Diosman sunqu kasqanmi yachachiwanchik ñuqanchikpas Diosman sunqu kay atisqanchikmanta.
8 KAQ WILLAKUY
Hatunkaray runakunamanta
Genesis qillqapa 6 capitulonpim willakun kay pachapi hatunkaray mana allin runakuna runamasinku ñakarichisqankumanta. Paykunaqa Diosta mana kasukuq angelkunapa churinkunam karqaku.
9 KAQ WILLAKUY
Noey buqueta rurasqanmanta
Noeywan ayllunqa sinchi para kay pachaman chayamuptinmi Diosta kasukusqankurayku mana wañurqakuchu, wakin runakunam ichaqa mana kasukusqankurayku wañururqaku.
10 KAQ WILLAKUY
Sinchi Paramanta
Noeymantam runakuna asikuqku, sinchi para wichimuyta qallaykuptinñam upallarqaku. Kay willakuypim yachanki imaynata Noeywan ayllun wañuymanta librakusqankumanta.