KHUNDU 1
Kucitwa Kwa Pinthu Mpaka Pa Cigumula
Kodi kudzulu na dziko yapantsi pyabulukira kupi? Kodi dzuwa, mwezi na zinyenyezi, pabodzi na pinthu pizinji pa dziko yapantsi, pyadzakhalapo tani? Bibilya isapasa ntawiro wandimomwene m’kulonga kuti pyacitwa na Mulungu. Natenepa bukhu yathu isatoma na mbiri za Bibilya za kucitwa.
Tapfunza kuti pyakucitwa pyakutoma pya Mulungu pikhali anthu auzimu akulandana na iye. Iwo akhali maanju. Mbwenye dziko yapantsi yacitirwa anthu ninga ife. Natenepa Mulungu acita mamuna na nkazi akucemerwa Adamu na Yeva mbaaikha m’munda wakubalika. Mbwenye iwo hadabvera Mulungu tayu natenepa aluza kuthema kwa kukhala na umaso.
M’pyonsene, kutomera pa kucitwa kwa Adamu mpaka pa Cigumula cikulu, papita piaka 1.656. Pakati pa nzidzi unoyu pakhala anthu azinji akuipa. Kudzulu, kukhali anthu akukhonda kuoneka auzimu, Satana na maanju ace akuipa. Pa dziko yapantsi, pakhali Kayini na anthu anango azinji akuipa, kuphataniza amuna anango a mphambvu zakukhonda kudzolereka. Mbwenye pa dziko yapantsi pakhalimbo anthu adidi—Abeli, Enoki na Nowa. M’khundu YAKUTOMA tinadzaleri pya anthu anewa onsene na macitikiro.
MU KHUNDU INO
MBIRI 1
Mulungu Atoma Kucita Pinthu
Pinalonga bukhu ya Genesi thangwi yakucitwa kwa pinthu ndi pyakutsandzayisa kakamwe, pontho nkhabe nentsa kupibvesesa ngakhale kuna anang’ono.
MBIRI 2
Munda Wakubalika
Mwakubverana na bukhu ya Genesi, Mulungu acita munda wa Edheni munjira yakubalika kakamwe. Mulungu asafuna kuti dziko yonsene yapantsi ikhale yakubalika ninga munda unoyu.
MBIRI 3
Mamuna Na Nkazi Akutoma
Mulungu acita Adhamu na Eva mbaaikha m’munda wa Edheni. Iwo adzakhala banja yakutoma.
MBIRI 4
Thangwi Yanji Aluza Mudzi Wawo
Bhibhlya isatipanga pa bukhu ya Genesi kuti paraizu yakutoma yaluzika tani.
MBIRI 5
Watoma Umaso Wakunensa
Adhamu na Eva athabuka kakamwe pidathamangiswa iwo m’munda wa Edheni. Mbwenye iwo mbadabvera Mulungu, mbadakhala akutsandzaya kakamwe pabodzi na anawo.
MBIRI 6
Mwana Wadidi, Na Wakuipa
Mbiri ya Kaini na Abheli idalembwa m’bukhu ya Genesi, isatipfundzisa kuti tisafunika kukhala munthu wa ntundu wanji, pontho tisafunika kuona makhaliro anafunika ife kucinja mwakucimbiza.
MBIRI 7
Mamuna Wacipapo
Citsandzo ya Enoki cisapangiza kuti imwe munakwanisa kucita pinthu pyadidi, maseze anthu a pa cisa canu asacita pinthu pyakuipa.
MBIRI 8
Pimphona Pa Dziko Yapantsi
Kapitulu 6 ya Genesi isalonga pya amuna amphambvu akuti akhabvuya anthu. Amuna anewa akhacemerwa Anefili, iwo akhali ana a aanju akukhonda bvera adabuluka kudzulu mbabwera kudzakhala pa dziko yapantsi ninga anthu.
MBIRI 9
Nowa Amanga Cimwadiya
Noa na banja yace apulumuka mu ndzidzi udadzala madzi makulu thangwi yakubvera Mulungu, mbwenye anango afa thangwi yakukhonda kubvera.
MBIRI 10
Cigumula Cikulu
Anthu akhaseka pikhacenjezwa iwo na Noa. Mbwenye mu ndzidzi udatoma madzi makulu iwo nee akhansekabve! Onani kuti bote ya Noa yampulumusa tani, pontho yapulumusa tani banja yace na pinyama pizinji.
