Mbage 1
Sarango sese juska na ngoi ti Kota Moa
Yayu na sese aga tongana nyen? Lâ, nze, atongoro nga na aye mingi mingi na ndo ti sese abâ gigi tongana nyen? Bible afa tâ kiringo tënë ni tongana lo tene a yeke Nzapa si asara aye so kue. Tongaso, mbeti ti e ni ayeke komanse na mbaï ti yâ ti Bible na ndo sarango aye.
A fa na e so akozo ye so Nzapa asara ayeke azo ti yingo so ayeke tongana lo Nzapa ni, na yâ ti ambeni ye. Ala yeke a-ange. Me ti sese, a sara ni ndali ti azo tongana e. Ni la, Nzapa asara koli na wali na lo zia ala na yâ ti mbeni pendere ndo. Iri ti ala ayeke Adam na Eve. Me ala ke yanga ti Nzapa, na ala wara lege mbeni pëpe ti ngbâ na fini.
Ti londo na ngoi so a sara Adam ti si na Kota Moa, a sara kue ngu 1 656. Na ngoi ni so, asioni zo ayeke lani dä mingi. Ambeni lani ayeke na yayu, a yeke azo ti yingo so lê abâ pëpe, Satan na a-ange ti lo ti sioni. Ambeni nga ayeke na sese ge, a yeke Caïn na ambeni sioni zo, so na popo ni a yeke wara nga ambeni koli so ngangu ti ala ahon ti asenge zo. Me ambeni nzoni zo ayeke nga lani dä na ndo ti sese, a yeke azo tongana Abel, Hénoc na Noé. Na Mbage 1 ti mbeti so, e yeke diko ande ye na ndo azo so kue nga na aye so asi na ngoi ti ala.
NA YÂ TI MBAGE SO
MBAÏ 1
Nzapa akomanse ti sara ye
Mbaï ti tongo nda ti création ayeke polele nga pendere—même ndali ti akete molenge.
MBAÏ 2
Mbeni pendere ndo
Ti gue oko na mbeti ti Genèse, Nzapa aleke yaka ti Eden tongana mbeni ndo so ayeke nde. Nzapa aye si sese kue aga gi tongana pendere yaka so.
MBAÏ 3
Adam na Eve
Nzapa aleke lani Adam na Eve nga lo zia lani ala na yâ ti yaka ti Eden. Ala yeke akozo koli na wali so asara mariage
MBAÏ 4
A tomba ala na yaka ti Eden
Mbaï ti kozo paradis so ayeke na mbeti ti Genèse na yâ ti Bible so agirisa.
MBAÏ 5
Pasi akomanse
Adam na Eve adu amolenge na gigi ti yaka ti Eden. Depuis so babâ na mama ti ala ake yanga ti Nzapa, gigi ti ala kue ayeke fadeso gi na yâ ti kpale nga na pasi.
MBAÏ 6
Caïn na Abel
Mbaï ti Caïn na Abel, tongana ti so ayeke na yâ ti mbeti ti Genèse, afa na e ye na ndo ti mara ti zo wa la e yeke ni nga bibe wa la alingbi e leke kozo si aga sioni.
MBAÏ 7
Mbeni koli so ayeke na mbeto pëpe
Tapande ti Hénoc afa so mo lingbi ti sara ye so ayeke nzoni, atâa so azo so ayeke na tere ti mo asara ye ti sioni.
MBAÏ 8
Akota yongoro zo na ndo ti sese
Ti gue oko na Genèse 6, akota yongoro zo so a iri ala Néphilim ayeke lani na ndo ti sese. Ala yeke lani amolenge ti a-ange so alondo na yayu si aga na ndo ti sese. A-Néphilim ayeke lani azo ti kota bê so ayeke sara ye ti sioni na azo.
MBAÏ 9
Noé aleke arche
Noé na sewa ti lo asö kuâ na ngoi ti kota ngu so apika lani ngbanga ti so ala mä lani yanga ti Nzapa atâa so ambeni zo aye lani ti mä ni pëpe.
MBAÏ 10
Kota moa
Azo ahe lani tënë ti gbotongo mê so Noé afa. Me ala he ngia pëpe na ngoi so kota ngu atï na ndo ti sese! Hinga tongana nyen la Arche ti Noé asö lani fini ti Noé, sewa ti lo, nga na ti gbâ ti anyama.