INCENYE 1
Kusukela Ekudaleni Kuya KuZamcolo
Avela kuphi emazulu nemhlaba? Lilanga, inyanga, tinkhanyeti, kuhlanganise netintfo letinyenti letisemhlabeni kwaba khona kanjani? LiBhayibheli liniketa imphendvulo leliciniso nalitsi konkhe loku kwadalwa nguNkulunkulu. Ekucaleni kwayo lencwadzi, ikhuluma ngetindzaba teliBhayibheli letiphatselene nendalo.
Indalo yaNkulunkulu yekucala lesifundza ngayo beyibantfu labangumoya njengaye. Bebatingilosi. Kodvwa umhlaba wadalelwa tsine bantfu. Ngako-ke, Nkulunkulu wadala indvodza nemfati futsi wabetsa emagama watsi ngu-Adamu na-Eva, wababeka ensimini lenhle. Kodvwa abamlalelanga futsi balahlekelwa lilungelo lekuchubeka baphila.
Kusukela ekudalweni kwa-Adamu kuze kufike Zamcolo, kwaba yiminyaka lengu-1 656. Kuleso sikhatsi banyenti bantfu lababi labaphila. Ezulwini kwakukhona bantfu labangumoya, Sathane netingilosi takhe letimbi. Emhlabeni kwakunaKhayini nalabanye bantfu lababi labanyenti, labebahlanganisa emadvodza latidlakela labenemandla lamakhulu. Kodvwa bebakhona nebantfu labalungile—Abela, Enoki kanye naNowa. Encenyeni YEKUCALA sitawufundza ngabo bonkhe labantfu nangetintfo lebetenteka.
LOKUKULELIKHASI
INDZABA 1
Nkulunkulu Ucala Kudala Tintfo
Indzaba yekudala lesembhalweni waGenesisi iyevakala futsi imnandzi—ngisho nakubantfwana.
INDZABA 2
Insimi Lenhle
Ngekusho kwemBhalo waGenesisi, Nkulunkulu wadala insimu yase-Edeni yaba yindzawo lenhle kakhulu. Nkulunkulu usafisa kutsi umhlaba wonkhe ube muhle njengalensimu yase-Edeni.
INDZABA 3
Indvodza Yekucala Nemfati Wekucala
Nkulunkulu wadala bo-Adamu na-Eva wase ubabeka ensimini yase-Edeni. Baba bantfu bekucala labashada.
INDZABA 4
Balahlekelwa Likhaya Labo
Incwadzi yaGenesisi ikhuluma ngekutsi lalahleka njani lipharadisi.
INDZABA 5
Kucala Kwemphilo Lematima
Bo-Adamu na-Eva bahlangabetana netinkinga letinyenti nabangasahlali e-Edeni. Bebatawujabula kube bamlalela Nkulunkulu.
INDZABA 6
Indvodzana Lelungile Nalengakalungi
Indzaba yaboKhayini na-Abela lesemBhalweni waGenesisi isifundzisa kutsi kufanele sibe bantfu labanjani—isifundzisa nangetintfo lokufanele sisheshe sitilungise etinhlitiyweni tetfu.
INDZABA 7
Indvodza Lenesibindzi
Lesikufundza ku-Enoki kuveta kutsi ungakhona kwenta lokulungile ngisho noma linyenti lebantfu lophila nabo lenta lokubi.
INDZABA 8
Tidlakela Emhlabeni
Genesisi 6 usitjela kutsi kwake kwaba netichwaga emhlabeni. Letichwaga betibantfwana betingilosi letaba ngemadimoni letasuka ezulwini tatophila nebantfu emhlabeni.
INDZABA 9
Nowa Wakha Umkhumbi
Nowa nemndeni wakhe basindza kuZamcolo ngoba bakhetsa kulalela Nkulunkulu ngisho noma bantfu labanyenti bangazange balalele.
INDZABA 10
Zamcolo Lomkhulu
Bantfu bahleka nabecwayiswa nguNowa, kodvwa konkhe loko kwaphela ngalesikhatsi selina! Tifundzele kutsi Nowa wasindza njani akanye nemndeni wakhe netilwane letinyenti.
