NÍʼKHÓO 1
Nagi̱’du̱u̱ naguma numbaaʼ asndu índo̱ naxnúu Ruʼwambii’
Náa minaʼ ni̱ʼkha̱ mekhu ga̱jma̱a̱ Ku̱ba̱ʼ rá. Xú káʼnii nigumaa A̱jkha̱ʼ, Gu̱nʼ ga̱jma̱a̱ a̱ʼgua̱a̱n, xúʼko̱ má xúgíʼ dí rígá náa tsu̱du̱u̱ Ku̱ba̱ʼ rá. Náa Biblia nariʼña̱a̱ gajkhun índo̱ naʼthí rí mínaʼ má Dios niʼni xúgíʼ. Ikha jngó náa i̱yu̱lúʼ nagi̱ʼdu̱u̱ rí naʼthí náa Biblia dí nirígá nákha wajyúúʼ rí xú niguma xúgíʼ.
Najmañulúʼ rí nákha ginii Dios niʼnii mbaʼin xa̱bu̱, ninindxu̱ún espíritu xóo má ikhaa kayuʼ niʼnii. Ninindxu̱ún ángeles. Mú Ku̱ba̱ʼ niguma mu makuwíin xa̱bu̱ xóo má ikháanʼ. Ikha jngó Dios niʼni xa̱biya̱ ga̱jma̱a̱ a̱ʼgu̱ nigumbiʼñún Adán ga̱jma̱a̱ Eva, ma̱ngaa nixnúún makuwá náa awúu̱n ixi̱ ri̱ʼi̱ mitsaan. Mú ikhiin túnimbu̱ún rí niʼthí Dios ma̱ngoo nindáti̱guun rí kaʼñúún makuwá.
Rí mbá xúgíʼ, asndu nákha nigi̱ʼdu̱u̱ nigumaa Adán asndu índo̱ nirígá Ruʼwambiiʼ ninújngoo mbá 1,656 tsiguʼ. Rí ni̱jkha̱ ranújngoo nikuwa xa̱bu̱ xkawiinʼ. Mekhuíí nikúwi̱i̱n xa̱bu̱ espíritu bi̱ tsékujmiin, Satanás gajmíi̱n ángeles bi̱ mixkawiinʼ. Náa tsu̱du̱u̱ Ku̱ba̱ʼ, nixtáa Caín gajmíi̱n eʼwíínʼ xa̱bu̱ xkawiinʼ, xúʼko̱ má ma̱ngaa xa̱bu̱ bi̱ ra̱ʼkhá tháán guáʼdáá wéñuʼ tsiakii bi̱ mixtiʼkhu kúwi̱i̱n ki xóo eʼwíínʼ. Mú nikuwa mangiin xa̱bu̱ míjínʼ náa tsu̱du̱u̱ Ku̱ba̱ʼ... Abel, Enoc ga̱jma̱a̱ Noé. NÍʼKHÓO rígi̱, Tsinaʼ 1 muraxnuu ga̱jma̱a̱ numún xa̱bu̱ bugi̱ ga̱jma̱a̱ dí nirígá.
EN ESTA SECCIÓN
HISTORIA 1
Dios nagi̱ʼdu̱u̱ naʼni xúgíʼ
Asndu e̱ji̱n bi̱ majkhin manigunʼ ga̱jma̱a̱ makru̱ʼu̱u̱n historia dí na̱ʼkha̱ raʼthí náa Génesis.
HISTORIA 2
Ixi̱ ri̱ʼi̱ mitsaan
Libro dí mbiʼyuu Génesis naʼthí rí Dios niʼni náa Edén mbá ixi̱ ri̱ʼi̱ kiejunʼ. Dios nandoo dí numbaaʼ maʼni mitsaan xóo ixi̱ ri̱ʼi̱ rúʼko̱.
HISTORIA 3
Nagi̱ʼdu̱u̱ nakuwa xa̱bu̱ numbaaʼ
Dios niʼnii Adán ga̱jma̱a̱ Eva ga̱jma̱a̱ nikumíínʼ náa ixi̱ ri̱ʼi̱ Edén. Ikhiin timbíi̱n ninigu̱nʼ.
HISTORIA 4
Xú ninimbáti̱ga̱ náa minaʼ nikuwa
Libro dí mbiʼyuu Génesis naʼthí xú káʼnii ninimbáti̱ga̱ ku̱ba̱ʼ mitsaan.
HISTORIA 5
Nagi̱ʼdu̱u̱ nakuwa mingíjyúu wéñuʼ
Adán ga̱jma̱a̱ Eva naguáʼdáá wéñuʼ xkujndu numuu dí nánguá kuwa náa ixi̱ ri̱ʼi̱ Edén. Xí mu ninimbu̱u̱n kuyáá Dios, ikhiin gajmiún e̱jñún makuwá gagi.
HISTORIA 6
Mbáa ada̱ májánʼ, ga̱jma̱a̱ mbáa bi̱ mixkawiʼ a̱jkiu̱u̱n
Historia ndrígóo Caín ga̱jma̱a̱ Abel, náa libro dí mbiʼyuu Génesis, najmañulúʼ muʼni dí nanigu̱u̱ʼ Dios ga̱jma̱a̱ ndiéjunʼ gíʼmaa muriʼkhu̱u̱ wapha.
HISTORIA 7
Mbáa xa̱bu̱ bi̱ tsémiñuu kayuʼ
Dí támiñuu kayuʼ Enoc nasngájma dí ma̱ndoo manindxu̱lúʼ májáanʼ xa̱bu̱ maski ajndu eʼwíínʼ na̱nguá.
HISTORIA 8
Xa̱bu̱ mbijui̱i̱n wéñuʼ náa tsu̱du̱u̱ Ku̱ba̱ʼ
Náa capítulo 6 ndrígóo Génesis naʼthúlúʼ ga̱jma̱a̱ numún xa̱bu̱ bi̱ mbijui̱i̱n wéñuʼ bi̱ nuniu̱u̱n dí ra̱májánʼ xa̱bu̱. Xa̱bu̱ bi̱ mbijui̱i̱n buʼko̱, bi̱ nigumbiʼñún nefilim, ninindxu̱u̱n e̱jñún ángeles bi̱ niniñaʼ mekhu ga̱jma̱a̱ nikuwa xóo xa̱bu̱ numbaaʼ.
HISTORIA 9
Noé naʼni mbá arca
Noé gajmíi̱n bi̱ kuwa náa goʼwóo nikáwíin náa Ruʼwambiiʼ numuu dí ninimbu̱u̱n kuyáá Dios, maski ajndu eʼwíínʼ na̱nguá ninimbu̱u̱n.
HISTORIA 10
Ruʼwambiiʼ
Xabu nanduʼwajmaa Noé, mú niniñaʼ randuʼwa índo̱ ni̱ʼkha̱ ruʼwa mbiiʼ. Historia rígi̱ naʼthí xóo nikríyaʼ Noé ga̱jma̱a̱ arca, bi̱ kuwa náa goʼwóo ga̱jma̱a̱ mbaʼin xujkhúʼ.
