VEGHER U SHA 1
Igbetar zan zan Mngerem Ma Deemee
Ka hana yange usha man tar ve va? Iyange, uwer man asan, kua akaa kpishi a a lu sha tar ne, yange ve va hana? Bibilo i̱ na ikyar i mimi shighe u i̱ kaa er yange Aôndo gba á la. Nahan yô takerada wase ne hii sha akaaôron a Bibilo sha kwagh u igbetar.
Akaa a Aôndo yange hii gban la, i ôr se er, yange lu ujijingi inja vough er un iyolna nahan. Ve lu mbatyomov. Kpa yange i gba tar sha ci u ior er se nahan. Nahan Aôndo gba nomsoor man kwase ati a ve er Adam man Ifa man a ver ve ken sule u doonashe. Kpa yange ve hemba Aôndo ato nahan ve kera lu a ian i lun uma ga.
Kohol cii yô, hii shighe u mgbe u Adam la zan zan shighe u Mngerem ma deemee la yô, lu anyom 1,656. Ken atô u shighe ne ior mba bov lu sha won kpishi. Sha yô, lu ujijingi mba i nengen a ve ga mbara, Satan man mbatyomov nav mba bov. Shin tar di yô, lu Kain man ior mba bov mbagenev kpishi, kua mbagenev mba ve lu a agee kpishi la. Kpa ior mba dedoo kpaa yange ve lu shin tar—Abel, Enoki man Noa. Ken Vegher u sha MÔM ne se ôr kwagh u ior mban cii kua akaa a a za hemen yô.
IN THIS SECTION
ITYOUGH 1
Aôndo Hii u Eren Akaa
Kwagh u Igbetar u i ôr ken Genese la wanger shi mbayev je kpa ka a doo ve.
ITYOUGH 2
Sule u Doonashe
I ôr ken takeda u Genese ér, Aôndo yange er sule u Eden lu ijiir i hemban doon sha tar cii. Aôndo yange soo ér tar cii u lu vough er sule u doonashe la nahan.
ITYOUGH 3
Or man Kwase u Hiihii
Aôndo yange gba Adam man Ifa ver ve ken sule u Eden. Ve lu uumace mba ve hii eren ivese yô.
ITYOUGH 4
Er Yange I Hii Ve Ya Ve Saa La
Bibilo pase se ken takeda u Genese er yange i hii ve paradiso kera lu ga yô.
ITYOUGH 5
Uma u Ican Hii
Shighe u Adam man Ifa kera lu ken sule u Eden ga la, ve nyôr ken mbamzeyol kpishi. Yange vea ungwa imo i Aôndo yô, ma saan ve iyol kua ônov vev cii.
ITYOUGH 6
Wan u Dedoo, man U Bo
Kwagh u Kain man Abel u i ôr ken takeda u Genese la, tese se aeren a i doo u se lu a mi yô—kua akaa a i gbe u se de u eren fese ga shighe a va kar yô.
ITYOUGH 7
Or u Lun a Ishimataver
Ishimataver i Enoki lu a mi la tese ér u fatyô u eren kwagh u dedoo, aluer mba wan ndor a we mba eren aferakaa je kpaa.
ITYOUGH 8
Akôraior Shin Tar
Genese ityough 6 ôr se kwagh u akôraior a yange a bula ior yô. Akôraior shon lu ônov mba mbatyomov mba yange ve undu ijiir ve sha, ve sen ve va lu shin tar er ka uumace nahan la.
ITYOUGH 9
Noa Gba Tso
Noa vea tsombor na yange ve war Mngerem ma Deemee sha ci u ve ungwa imo i Aôndo, shin er mba wan ndor a ve venda u keghen ato nahan kpaa.
ITYOUGH 10
Zege Mngerem ma Deemee
Noa yange lu tan ior icin kpa ve lu sen un a se. Kpa yange ura nôôn mngerem ma ve sha tar deemee yô, ve kera nenge ér ka beerkwagh ga! Nenge er tso u Noa la yange war un kua tsombor man annyamev kpishi yô.
