MBALI 1
Kupanganyikwa kwa Yiindu Mpaka Cikumba ca Mesi
Ana kwinani ni cilambo capasi yatyocele kwapi? Ana lyuŵa, mwesi, ndondwa, soni yindu yejinji yayili pacilambopa yatyocele kwapi? Baibulo jikusajanga yisyesyene pajikusati yindu yosopeyi ŵayipanganyisye Mlungu. M’yoyo, buku jetuji jikutanda kusala ngani sya m’Baibulo syakwamba yakupanganyikwa.
Tukulijiganya kuti Mlungu ŵatandite kupanganya ŵandu ŵausimu ŵakulandana ni jwalakwejo. Ŵandu ŵausimuŵa gali malayika. Nambo cilambo capasici ŵacipanganyisye kuti patameje ŵandu mpela m’weji. M’yoyo Mlungu ŵapanganyisye jwamlume ni jwamkongwe ŵakolanjikwa Adamu ni Hawa ni ŵaŵisile mu mgunda wakusalala. Nambo jemanjaji nganapikanila Mlungu ni ŵajasile upile wawo wakutama ni umi.
Kutandila pandaŵi jakupanganyikwa kwa Adamu mpaka ndaŵi ja Cikumba cekulungwa, papite yaka yakwanila 1,656. Pandaŵiji ŵapali ŵandu ŵajinji ŵakusakala. Kwinani, kwapalisoni ŵandu ŵakusakala ŵangawoneka ŵausimu, ŵeleŵa ali Satana ni malayika gakwe gakusakala. Pacilambo capasici paliji Kaini ni ŵandu ŵajinji ŵakusakala kupwatikapo acalume ŵane ŵamacili mnope. Nambo, pacilambopa ŵapalisoni ŵandu ŵane ŵambone, mpela Abele, Enosi, soni Nowa. Mu Mbali JANDANDA cituŵalanje yakwamba jemanjaji, soni yayatendekwe.
MU MBALI AJI
NGANI 1
Mlungu Akutanda Kupanganya Yindu
Ngani ja mu Genesisi jili jakupikanika cenene soni jakusangalasya—atamose kwa ŵanace ŵacinandipile.
NGANI 2
Mgunda Wakusalala
Mwakamulana ni Genesis, Mlungu ŵapanganyisye mgunda wa Edeni mwapajika. Mlungu akusaka kuti cilambo capasi cosope ciŵe mpela mgunda wakusalala wa Edeni wula.
NGANI 3
Jwamlume ni Jwamkongwe Ŵandanda
Mlungu ŵapangenye Adamu ni Hawa nikwaŵika mumgunda wa Edeni. Jemanjaji ŵaliji ulombela wandanda.
NGANI 4
Ligongo Cici Nganajendelecela Kutama Mumgunda Wakusalala
Buku ja m’Baibulo ja Genesis jikusatusalila muŵajasicile paladaiso jwandanda.
NGANI 5
Umi Wakusawusya Ukutanda
Kusa kwa mgunda wa Edeni, Adamu ni Hawa ŵasimanaga ni yakusawusya yejinji. Nakaŵe kuti ŵapikanile Mlungu, Umi niwukaliji wakusangalasya kwa jemanjajo ni ŵanace ŵawo.
NGANI 6
Mwanace Jwambone ni Jwakusakala
Ngani ja Kaini ni Abele jajili m’buku ja Genesis, jikusatujiganya ndamo syatukusosekwa kola—soni ndamo syatukusosekwa kucenga ndaŵi mkanijimale.
NGANI 7
Mundu Jwakulimba Mtima
Cisyasyo ca Enoki cikulosya kuti wawojo mpaka aŵe jwambone atamose kuti ŵandu ŵajinji akutenda yakusakala.
NGANI 8
Ŵandu Ŵamacili Mnope Pacilambo Capasi
Genesis 6, jikusala ya ŵandu ŵamacili ŵaŵawulasyaga ŵandu. Ŵandu ŵaŵakolanga kuti Anefili ŵaliji ŵanace ŵa malayika gagatyosile kwinani ni kutamaga pacilambo capasi.
NGANI 9
Nowa Akutaŵa Combo
Nowa ni liŵasa lyakwe ŵakulupice ligongo lyakuti ŵampikanile Mlungu, atamose kuti ŵane nganampikanila.
NGANI 10
Cikumba Cekulungwa
Ŵandu ŵanyosyaga utenga wakwakalamusya ŵaŵalalicilaga Nowa. Nambo jemanjajo ngananyosyaga mesi pagakuswice kutyocela kwinani. Alole mucatite combo kumkulupusya Nowa, liwasa lyakwe soni yinyama yejinji.
