¡ADKINTUNGE ti Mapu! ¡Kom mülelu müna kümelkaley! Adkintunge chi kachu ka anümka, rayen (chichiken) ka kom pu kulliñ. Chew müley ti ufisa ka pu trapial (fücha peñi), ¿pefimi?

¿Chew tripapay tüfachi tutelu malaltükulechi rayen? Ngünechen ta dewmay. Fewla peafiyiñ chumngechi Ngünechen pepikafiel Mapu iñchiñ ngealu.

Wüne, Ngünechen dewmay karü kachu, ñi takual ti mapu. Ka dewmay itrofill anümka. Tüfachi chemkün tremkelu, doy küme adngen ti Mapu. Welu, ¿fey müten? Femlay llemay. Fentreken anümka ka elukeeiñmu itrofill illümngechi iyael (yagel).

Inan-ngechi, Ngünechen ka dewmay challwa ñi weyelal ko mu, ka pu üñüm ñi müpüyawam kallfü wenu mu. Dewmay trewa, ñarki (ñayki), ka kawellu; fütrake ka pichike kulliñ. ¿Ayükefimi pu kulliñ? ¿Fey llemay? Ayüfalngey, ¿mupiñ pe may? ¡Müna küme ngey Ngünechen ñi dewmafiel kom, iñchiñ mu! ¿Chem kulliñ müley tami ina ruka mew?

Af mew, Ngünechen femkünufi kiñe trokiñ Mapu mu, doy sakin-ngeal. Tüfachi malaltükulechi rayen mu, Eden pingekefuy. Müna kümelkay. Itrokom mülelu feychi mu, müna tutelkalefuy. Ngünechen ayüfuy kom Mapu feleal tüfachi tutelu malaltükulechi rayen reke, dew dewmafilu.

Welu adkintunge tati adentun ka kiñe rupa. Pefilu Ngünechen, ¿kimimi chem ñi nienon tüfachi malaltükulechi rayen? Peafiyiñ.